事後丸 流血

7號發生咗冇套性行為 11號食咗事後丸 琴日發現自己流血直到今日都有(同嚟m冇乜分別) 而正常嘅預計嚟m日子係19號左右 想問下點樣分辨流血係因為事後丸嘅副作用定係早咗嚟m?

Hello @xzssx

服食事後丸之後,除咗有機會出現一啲副作用,例如可能會流啡之外,其實令到下一次月經提前或延後都係常見嘅情況。而事後丸食咗後嘅流啡出血,同月經最大嘅分別, 流啡嘅情況多數係不規則嘅出血, 顏色會比較偏啡,通常係點狀只有少量嘅分泌,亦比較少係全日或連續幾都不停流出嚟。所以如果你呢幾日嘅情況都係流出偏紅色嘅血,而且亦係持續連續幾日都有分泌,咁就比較大機會係提早咗嚟月經。

而當月經已經出現咗就已經可以排除懷孕嘅可能性。如果你仍然好擔心的話,你都可以喺性行為發生之後第十一日做驗孕棒測試。如果驗孕棒結果呈陰性,咁即係可以排除咗懷孕嘅機會。

另外提提你,食事後丸並非一個長期避孕嘅好方法,都建議你下次進行性行為之前,可以同伴侶商討一個大家都接受到嘅避孕方法,保障自己亦保障伴侶。

1個讚