食咗事前避孕藥有八個月，調經狀態良好。
上個月應該27/12食新一包，但我唔小心早咗一日即26號開始食，去到琴晚14/1星期五先發現少咗一粒 即係原訂16/1要食果粒冇咗
我依家應該點算？會唔會冇咗避孕效果？
16/1需要開新一包食多一粒嗎？
今日就係最後一粒希望有人覆吓我應該點算
Helloo
如果已經食咗八個月，期間冇漏服/漏服有補食返嘅話，身體基本上適應咗，因此相對風險都係會低啲&穩定啲嘅唔使太擔心
即使你之前早左開新一盒都好啦，如果期間冇漏服/漏服有補食返嘅話，係唔會影響避孕效果嘅，不過有機會令下一次月經提早／延遲。建議你可以喺電話記返低開新藥嘅日子避免以上情況發生。
最後，如果已經食晒成包避孕丸（21 粒），應該隔大概兩三日就會嚟M，而停左藥七日之後無論係咪已經黎完M都好，都需要開始食第二包；因此你可以等嚟咗M七日之後再食第二包。
1個讚
唔該曬你我應該七日之後（第八日）食新一包 定係照原本（冇早食避孕藥嘅cycle）嘅日子第九日先食新一包？
雖然你係早咗一日食，但你都係需要喺停左藥七日之後，就食新嘅一盒事前避孕藥。無論到時係咪已經黎完M，亦都唔需要提早一日食㗎
sorry有少少矛盾七日之後（第八日）食就係提早咗一日阿 原本cycle係第九日先食
因為你之前食藥嘅pattern已經有一日嘅變化，所以而家已經唔需要再睇返你之前嘅服藥週期，你喺食完嗰21粒藥之後，停藥7日，然後無論月經是否完結，都開始食新一排藥，之後都繼續依照呢個pattern去食。
見你有講之前提前咗一日開藥，你可以考慮用電話嘅日曆同埋設定鬧鐘提醒自己食藥時間同日期；你亦可以考慮使用一啲專門用來提醒同記錄食藥嘅APP，設定服藥pattern係21日服藥+7日停藥，希望咁樣可以幫助到你準時食藥。同埋，有啲避孕藥包裝上有標示日子（例如「日」或者「SUN」），你都可以運用呢個數字，例如你逢星期日食藥（12月26號係星期日，理論上你之後每次開新一包藥都應該係星期日），咁你就可以由寫住「日」或者「SUN」嗰粒開始食，然後第二日順著食「一」／「MON」，如此類推。 