女
上星期6開始小便有味 柯血尿同灼痛
第日去左睇醫生 第一次呢個情況
話係發炎感染
開左5日抗生素同幾橙尿藥
食左一個療程之後都未好
已經飲多左水
仲係小便痛
尋日再返去睇
轉左另一隻抗生素食3日
話再唔好就要驗尿
好擔心食完咁多日藥都仲未好得哂
好怕係嚴重啲既膀胱炎
又驚係抗藥性菌…
但我第一次有呢個病應該唔會有抗藥性？
同埋唔知自己好擔心 凝住定點
呢幾日係咁上網揾資料
好緊張咁
不過小便到尾真係仲有灼痛
都唔知係菌未清定有其他野🥲
Hello
就咁聽你形容我都feel到你呢排好難受，辛苦你了
呢度我都想問多少少，請問最近有冇發生性行為？如果有，想問下有冇使用安全套？因為性行為有機會導致細菌感染，尤其係尿道炎。常見因素為性行為嘅時候衛生做得不太足/ 性行為前後冇清潔好。另外患上 陰道炎 亦同時有機會感染 尿道炎，因為陰道同尿道本身比較近可能會出現互相感染。
呢度都想問下平時有冇清洗內陰（大小陰唇）嘅習慣？因為嗰個位置都容易被忽略令佢容易積聚細菌造成感染呀。 （正如上面提及陰道炎都有機會間接導致尿道炎）呢度建議平時可以着啲乾爽透氣嘅內衣物，會冇咁容易焗住滋生細菌。同時沖涼嘅時候保持適當清潔（用清水清洗便可，唔使灌洗同用陰道清潔液），而且需要避免浸浴並印乾陰唇表面嘅水份，時刻保持下身乾爽。
再者，陰部皮膚脆弱，長期受化學物品刺激例如番梘丶洗衣劑等等都有機會引致持續發炎，可以用返一啲適合敏感皮膚&溫和沐浴露減低刺激- 如果尿道炎係由於皮膚受化學物品刺激而引起嘅話，就要避免再接觸有關的化學物品；同時可以檢視一下衣物平時洗得乾唔乾淨？呢個都有可能令細菌容易滋生引起發炎呀。
另外聽你嘅描述似乎而家仲有尿道炎嘅症狀，可能係未斷尾。而你之前食開嗰隻抗生素可能殺唔晒啲菌/冇咁有效，所以醫生有機會轉另一隻抗生素俾你，呢道唔使太擔心係正常的。只要好好休養配合作息定時，飲多啲水同埋避免忍尿，都有助快啲好返
另外呢排都唔建議發生性行為住，如果唔係都建議帶返安全套防止感染情況加劇&同時保障到雙方:) 萬一對方有啲細菌而過程中冇用安全套嘅話，有機會將細菌帶落你身上加劇發炎情況；調返轉如果你未好返&冇用安全套嘅話都有機會造成交叉感染。而性行為之後亦可以飲多啲水沖走尿道口嘅細菌。
最後網上好多資訊都唔準確，如果真係好擔心都可以向醫生表達你嘅擔憂，睇下佢會唔會有啲專業意見俾你
（始終網上嘅不實資訊睇得多真係會驚，更何況未必真實）
祝你早日康復
我之前都試過
有外國youtuber介紹Swiss牌high strength cranberry蔓越莓丸，自己食過幾有用，可以預防尿道炎你可以試下食
但都要留意返，的確有研究指出蔓越莓可以幫助維持尿道健康，但呢啲營養補充品並唔可以代替醫生處方嘅藥物去治療尿道炎或者其他疾病。如果真係有相關症狀，就建議先去搵醫生治療先啊～而且尿道炎可以由好多唔同原因造成，所以食咗呢啲營養補充品亦唔代表唔會再發炎，要記住只係輔助嘅作用啊