入正題先出事

你好。件事係咁嘅 小女同男朋友都係初次發生咗關係大概一個月無耐(大家都係二字頭 大家都係大家第一次),佢近排先開始可以係個套套裏面射到(因為佢之前一直用套都射唔到 ,而家都有不停試唔同嘅套套)。

咁而家再次出現問題,個問題係佢好快軟返。有係以下兩種狀況有咁嘅問題出現。每次入正題前都會做完前戲先戴套(前戲有用ky), 但每次戴完套套果陣都要閃電般快速插入(即係想入廁所洗走啲ky 都要趕住返上床)如果遲咗啲就會軟返,咁就戴完套等於冇戴咁。 亦有試過插插下就無咁硬。

佢同小女做緊果陣,有擔心過夠唔夠硬或者對方舒唔舒服嘅問題。咁小女有同男朋友仔講唔好咁擔心滿唔滿足到對方,只要舒服就好。但同講完佢都有亂咁諗 所以安慰作用不大。男朋友仔有反映過做之前或者做緊前戲果陣會好硬同埋個想插入感都好強烈,但唔知點解會軟返。男友亦都有表示用手同口幫 係舒服會無咁快射,但唔知點解用飛機杯無咁舒服但又好快就射。佢表示唔知點解而家好似唔做都無咁硬。男友平時都有自己happy 嘅習慣,係同小女做之前嘅兩、三日都會happy下先。唔知係咪平時用手手happy 有壞習慣唔用飛機杯定太大壓力問題。

感謝:pray:t2:

Hello​:smiling_face_with_three_hearts:首先好欣賞你同男朋友發生性行為嘅時候會使用安全套,同埋上嚟同我哋分享你擔心嘅嘢啊~

首先男朋友帶完安全套之後,陰莖好容易會軟返嘅問題,其實個人生活習慣、日常作息、睡眠甚至係飲食都會影響男性嘅勃起功能,例如睡眠質素差,或者缺乏運動都有機會令男性喺發生性行為期間出現陰莖硬度不足,或者好容易軟返嘅問題。就住呢個情況,可以關心下男朋友嘅日常生活,提醒下佢,有足夠嘅休息同埋運動量有可能改善到呢個問題啊:face_with_monocle:

另外都見到你話男朋友覺得前戲嗰陣嘅感覺好強烈,所以建議可以做緊前戲嗰陣,陰莖勃起嘅時候就可以戴上安全套,咁當男朋友覺得嗰個時刻最適合插入同埋最硬嘅時候就可以直接插入陰道,咁就可以節省喺嗰個時刻帶安全套嘅時間,而引致陰莖變返軟嘅情況。而且呢個做法亦可以避免陰莖勃起時已經會分泌嘅尿道球腺液有機會意外接觸到陰部而造成懷孕。

至於你提及男朋友有自慰嘅習慣,自慰的確係會影響同其他人性行為時嘅表現、性刺激到同埋持久度!

第一:因為喺自慰嘅時候可以由自己控制力度或者刺激方式,咁就會達成左「最令自己滿足」嘅自慰形式;但當同其他人發生性行為嘅時候要顧及對方嘅需要,所以要配合對方嘅性行為就未必可以達到「最大刺激」嘅形式進行。

第二:因為男性喺自慰嘅時候通常會用最「快速」及「高強度」去刺激陰莖,肌肉會習慣咗呢個時間長短;但當同其他人發生性行為嘅時候有機會會超過咗自己自慰嘅時間,因此肌肉未能適應。

所以比較起男朋友自己嘅自慰習慣,同埋同你發生性行為之下,後者自我感覺嘅刺激度同埋持久度都有機會下跌。你亦都唔好覺得男朋友係為咗配合你而自責,呢個時候更加需要同男朋友溝通,諗吓可以點樣改善呢個情況,可以一齊參與討論。另一方面,其實有好多人都未必習慣使用安全套,覺得無論係心理/生理都好難適應,所以如果你哋之間都有共識,其實可以選擇荷爾蒙避孕法,例如事前避孕藥、避孕針、子宮環等,係做咗身體檢查同埋性病測試之後,以上嘅安全措施就可以避免你所講嘅情況,亦都有更高嘅避孕功效。如果有興趣可以上家計會嘅網站了解多啲,預約佢哋嘅診所做檢查,又或者搵其他自己信任嘅私家門診查詢,最緊要都係搵出屬於你哋之間最適合同埋舒服嘅避孕方法&性行為方式:ok_woman:t2:

首先唔該晒你咁有耐心解答我哋嘅問題,我會同佢好好咁傾吓

不過唔好意思想問多少少:pinching_hand:。想問吓具體有咩方法可以改善到而家自慰嘅模式? 例如佢而家一個禮拜隔日自衛慰一次嘅,係咪應該減少到一個禮拜兩次? 抑或者用一啲訓練飛機杯?

自慰同埋發生陰道陰莖插入式嘅性行為嘅感覺可以好唔同,可能你嘅男朋友比較習慣自慰嘅刺激方式,對於初初開始嘗試嘅插入式性行為,可能未係好適應嗰種刺激嘅感覺,甚至佢會有啲緊張,所以有機會出現會軟或者射精困難嘅情況。你哋可以再慢慢適應下、摸索下,搵到最適合你哋嘅性行為模式。 :smiling_face_with_three_hearts:

自慰本身就冇話邊種「頻率」先好,每人嘅情況都可能唔同,而當日嘅身體狀況、心情、壓力、疲倦程度等等亦都會有影響。如果男朋友想嘗試改變,可以試下減少自慰嘅次數、自慰嘅時候用比較少嘅力度同速度,睇下情況有冇改善。而又可以趁著自慰嘅時候,探索下自己嘅身體,邊個位嘅刺激感大啲?掂到邊個位舒服啲?用咩力度/速度去刺激最舒服?當然你都不妨通過探索自己嘅身體去更加了解自己、了解自己嘅喜好。然後你哋可以溝通交流下,睇下你哋嘅性行為有咩可以滿足到對方喜歡嘅嘢,而就算一開始滿足唔到,都唔緊要嘅,可以慢慢嚟。 :wink:

性行為係要建立喺共識同埋溝通上,可能你哋需要一段時間慢慢了解對方同埋摸索,唔使擔心,take your time :sparkling_heart:

1個讚

明白麻煩晒你:pray:t2:

1個讚