係16號凌晨4點同男朋友做到一半果陣
甩左成個套出黎！
但係當時太黑大家都無留意所以繼續
到最後諗住拎出嚟射果陣先發現無套
都幾肯定無套做左一段時間
雖然自己食開事前避孕丸 但係只係食咗個半月
期間一直冇漏服 食嘅時間都只係相差半個鐘
但係中途有感冒食左藥驚影響效力
所以仍然覺得好驚會出事
去診所買左一粒事後丸 但係之前有過陰道炎嘅經驗
同埋身體比較差一直都冇食
呢個情況係咪應該食咗比較保險
驚咗我成日都唔知食唔食好
點算好🥲🥲
好擔心希望有人可以解答到我 
Hello
首先想了解返，你服用第一粒避孕藥嘅時候，係月經週期嘅邊日（一個月經週期係由月經第一日去到下一次月經嘅前一日）？如果你係喺月經週期頭5日內開始食第一粒藥，建議7日內發生性行為期間可以配合安全套一齊使用；而如果你喺月經第5日之後先食第一粒藥，就建議14日內發生性行為嘅時候配合安全套一齊使用。因為初次服藥，身體需要一段時間去適應藥效，所以建議使用額外嘅安全措施。不過如果你冇嘔吐或者嚴重腹瀉，每日有準時食藥，身體應該建立咗穩定嘅藥效。
而部分藥物（例如部分抗生素、消炎藥、抗抑鬱藥）係會同避孕藥產生交互作用，影響藥效。所以我哋建議每次睇醫生嘅時候，可以提及自己有服用避孕藥，問下醫生處方嘅藥會唔會影響避孕藥效，是否需要7日內使用安全套作為額外嘅避孕措施。 
避孕藥係通過人造荷爾蒙去抑制排卵、增加子宮頸分泌物嘅粘稠度、同埋改變子宮內膜環境，從而達致避孕功效；
而緊急避孕藥係通過個劑量嘅人造荷爾蒙，以同樣嘅藥效，達致緊急避孕嘅功效。
現時常見嘅緊急避孕藥分為兩款，一款係單一荷爾蒙（黃體酮），要喺性行為72小時內服用，服用呢種事後藥之後，可以繼續服用你本身食緊嘅避孕藥 
；
另一款係黃體激素受體劑，喺性行為120小時內服用，但係，服用呢種事後藥後，同一個月經週期就唔可以再食避孕藥 
。
如果你唔清楚自己買到邊款事後藥，而你又冇同醫生講你有食緊避孕藥嘅話，建議你打去診所問清楚先。
如果你衡量完風險，認為自己唔需要服用事後藥，你可以考慮自行驗孕。驗孕係檢測身體有冇hCG呢種物質，hCG係卵子受精著床之後身體會產生嘅一種激素，而卵子受精著床需要6－9日嘅時間，所以性行為7日後（1月23號）驗孕會得到初步結果，11日後（1月27號）驗孕就會有較為準確嘅結果。
見到你有講安全套脫落嘅情況，可能係因為尺寸唔啱，或者佩戴嘅時候冇戴落陰莖底部。
關於安全套嘅正確使用方法，可以參考：Login • Instagram
同埋尺寸方面，可以睇下：Login • Instagram
當身體荷爾蒙水平改變或者免疫力降低嘅時候，陰道係有機會比較容易發炎，不過如果日常清潔護理做得好，身體狀況比較健康，服用事後藥／避孕藥，陰道嘅健康都未必會受到影響。而性行為期間有正確使用安全套，亦可以減低陰道因性接觸受到感染嘅機會㗎。 
多謝回覆
已經食緊第二盒 係上次食晒28粒之後即刻開盒新嘅繼續食 所以而家食緊第二盒
之前又係食事前避孕丸嗰陣有陰道炎
依家食咗一個半月都好似有翻發嘅跡象🥲🥲
所以懷疑同避孕丸有關🥲🥲
但係唔食又唔知仲有啲咩其他方法 當然會繼續用套
雖然有食事前但依然好驚 所以都唔知食唔食事後好
第一盒係月經第一日食
Hello~ 照你所講嘅情況，你已經持續服食避孕藥一段時間，身體都應該已經適應左藥效，所以懷孕嘅風險係唔大嘅
至於你提到服食避孕藥後反復感染陰道炎嘅情況，就好似 @Ching_StickyRiceLove 咁講，因為避孕藥會令身體荷爾蒙水平改變，所以都有機會增加感染陰道炎嘅風險。因為口服避孕藥都有分好多唔同種類，每種嘅劑量都唔一樣，所以建議你諮詢下醫生嘅意見，睇下有無需要轉服其他種類嘅口服避孕藥，另外喺性行為前後清潔性器官都係有效預防陰道炎嘅方法之一。
至於事後丸方面，就好似 @Ching_StickyRiceLove 咁講，建議你打去之前買藥嘅診所同佢地講返有食開避孕藥，然後問清楚佢地處方嘅事後丸嘅詳細資料先，亦都因為事後丸係有佢嘅服藥時限，而可以喺同一週期內服食避孕藥嘅嗰種事後丸嘅時限係性行為後72小時內，所以如果決定服食嘅話就建議你盡快打去診所查詢清楚。
多謝你嘅回覆