陰道有黃色分泌物…擔心

同另一半無套sex後,近一年都有黃色分泌
無特別異味. 量一般 ,黃色…
無痕無痛,日常有用開護墊……
之前睇過婦科醫生,做咗高陰道拭子種菌,但報告返嚟話無發現…
上網科普完,擔心係咪淋球菌……

Hello

高陰道拭子種菌主要用嚟檢測念珠菌同埋陰道毛滴蟲感染。如果檢查完都係冇發現嘅話,的確有可能係淋球菌。佢嘅主要症狀包括小便刺痛/陰道分泌呈黃綠色,但亦都可以完全冇病徵(女性高達80%冇明顯症狀)。另外都見到你話呢個情況已經持續左一年,建議你同伴侶盡快睇醫生以免出見持續感染。

除咗私營機構,社會衛生科都有提供檢測淋病嘅免費服務,以下有幾點都值得留意~

  1. 去就近診所之前記得睇下佢開嘅時間
  2. 記得一定要帶身分證,如果唔記得嘅話登記處會收返$1190
  3. 登記完之後就會見醫生,主要都係查詢返性經驗/對上一次性行為嘅日子 (過程完全保密)
  4. 之後就會做性病檢查,期間可能會抽血或者抽取陰道/尿道嘅分泌物
  5. 如果有明顯感染症狀嘅話,醫生會即時處方藥物,但詳細報告要三星期後先有,有需要時會打電話安排你複診。

另外呢排都唔建議發生性行為住啦,因為都擔心對方有機會將細菌帶落你身上令病情惡化;調返轉如果你未好返/治療緊,都有機會造成交叉感染。與此同時都唔使太擔心,即使真係感染咗,醫生會處方相應嘅抗生素俾你;只要治療期間做好個人衛生,保持陰部周圍清潔&乾爽(eg. 清洗大小陰唇,因為嗰個位置容易積聚細菌,記得唔使灌洗同用陰道清潔液)。另外記得避免浸浴,內衣褲、被單等用品要勤洗勤換有助痊愈。最後平時性行為嗰陣都可以考慮用安全套減低感染風險:+1:t6:

Thanks;(
想問下呢個病有冇得斷尾嫁……

放心,有得斷尾,但要視乎你對藥物反應,但都想知多小小,因為呢種病多數不是一個固定性伴侶,而且亦都係不安全性行為情況下較大機會感染,你肯定你或你另一伴無其他性伴侶嗎?

我係同一個既…. 但個時既另一半之前拍過都好多次拖;(
唔知關唔關事……

咁可能都有機會,你同前一個男朋友都係無避孕性行為?同佢個時有無病癥?始終有潛伏期!或者你問另一半有無咩唔舒服或者病徵出現

正如 @Man 所講,淋球菌有得斷尾,但要視乎你對藥物反應同埋身體嘅健康狀況等等。不過首先建議你去檢查先,同時要記住帶埋伴侶一起檢查,咁先可以斷尾架,因為如果得你一個治療,但伴侶無處理到,下一次性行為又可能會再感染。🥲