反包皮既問題

想問反咗包皮可以keep住?之後係唔係唔洗反返去,聽人講話會壞死

Hello @Edward
其實一般反包皮最主要係為咗清潔同埋檢查,而包皮本身嘅作用係為咗保護敏感而且有大量神經末梢嘅龜頭部分,避免龜頭因為同衣物磨擦而損傷,而且亦都可以避免細菌經尿道口進入體內造成感染嘅風險。所以如果反完包皮清潔之後,包皮長期反開令到龜頭外露,龜頭就有機會因此而損傷,亦都增加咗細菌感染嘅機率。

至於可能會導致壞死,其實一般情況下都唔會發生嘅。但如果你本身包皮過緊,或者好耐都冇試過翻開包皮,而突然大力反開,咁就有機會令到包皮喺過程當中,緊緊咁卡住陰莖,導致血液不循環。如果長時間都唔去處理,就有機會影響機能。不過,如果你平時都有反開包皮清潔嘅習慣,咁就應該唔會有你擔心嘅情況發生嘅。但都唔建議長期翻開包皮啊~清潔或者檢查完之後最好就將包皮保護返龜頭。

我還想知道怎樣才算是完整反包皮?是在完全勃起時能把包皮反過來並露出整個龜頭嗎?

無錯阿~ 正常長度嘅包皮係可以上下移動,而勃起後包皮係可以後退至龜頭完全露出嘅。

大概只能露出半個是有問題?

Hello
想了解返多少少先,你所講嘅「大概只能露出半個」係指陰莖未勃起嘅時候上下移動包皮只能夠去到龜頭一半嘅位置?定係勃起嘅時候?露出半個之後再向下移動包皮會唔會覺得痛楚/唔舒服?定係平時包皮只係覆蓋龜頭嘅一半?

因為日常清潔係每日都要做嘅,即係每日都要反包皮進行清潔,而清潔係可以喺未勃起嘅情況下進行嘅。所以,如果你未勃起嘅時候唔能夠輕易上下移動包皮退至龜頭完全露出/覺得痛楚唔舒服,咁都值得求醫嘅。

而如果你係講嘅勃起之後嘅狀態,包皮係咪可以輕易上下移動退至龜頭完全露出?有冇覺得痛或者唔舒服?如果唔可以輕鬆咁上下移動包皮,咁都係值得睇下醫生嘅。

清潔能輕易反整個包皮,但完全勃起只能反到半個再多啲

照你所講嘅情況,如果之前較少喺勃起後反包皮,所以需要啲時間慢慢嘗試反落啲。而如果之前一直都有嘗試喺勃起後反包皮而都係只能反至龜頭一半嘅話,就有可能係包皮過長/過緊,建議去睇醫生檢查下,睇下有無需要割包皮。