好驚好擔心

上個月12月26號黎
但原本應該唔係呢日
係飲完杯涼茶即刻黎
但個次只係黎咗4-5日到就冇
係12月31號同男友有發生性行為但係有用套
係1月3同5都有指插 有試過無套幾下
係6號到有出現一兩滴粉紅色血
係前排個肚有啲脹 有啲陰陰痛
牙肉都有腫 所以去咗飲杯涼茶
胸都有脹痛
同埋手腳有啲冰冷
有試過買驗孕棒驗 但都係無事
但真係好驚

補充返:最近作息有啲唔定時,成日夜瞓

想問你無套過程大約幾耐?因為當男性興奮一段時間會有前列線液,同埋之後還有發生不安全性行為?但你係呢段時間會黎月經嗎?

大約2-3分鐘後其後都冇發生唔安全既性行為
而app亦顯示即將過幾日會黎

hello @Kkoosad
首先,你最後一次發生性行為係1月5號, 而係性行為發生11日後驗孕已經會得到可靠嘅結果,而係接近嘅月經嘅日子驗結果又會更加準確。所以只要你有跟足說明書去驗孕的話,你最近所得到嘅結果都係可靠嘅,代表你冇懷孕。都明白月經推遲會令到你好擔心同焦慮,但都希望你嘗試去相信驗孕嘅結果:heart:

咁其實月經都會因為好多唔同原因而推遲,例如壓力、情緒、新轉變、荷爾蒙改變等等…好似你所講,呢個月身體狀況唔太好經常會手腳冰冷,最近作息又唔定時,都係一啲有機會影響月經嘅原因。

另一方面,聽到你最近有飲過涼茶,雖然飲涼茶好似普通保健,但其實每個人嘅身體體質都唔同,未必係所有情況都適合透過飲涼茶解決。

有啲人飲涼茶後會令到虛火上升,即係令到本身可能儲藏喺肚或者子宮嘅火氣向上升,就有機會導致牙肉腫痛嘅情況,亦都令到覺得好似自己熱氣咁樣。係呢啲情況下,涼茶落咗肚之後可能會令子宮受寒,有機會導致到月經出現變化:flushed:而且有某啲涼茶都會有一定藥效,飲用後都有機會出現類似食過藥嘅情況,而導致月經出現變化。

現時既然已經排除左懷孕嘅可能性,可以
嘗試放鬆心情,等待月經出現。日後如果有需要飲用涼茶或者服用其他中藥,都會建議你搵返信任嘅中醫去睇返你嘅身體情況,先至再去決定你飲啲咩同食啲咩。而且每個時間嘅身體狀況都唔同,你之前嘅體質適合飲涼茶,唔代表而家都適合㗎,就好似今次咁嘅情況。搵返中醫了解返乜嘢食物或者保健飲品係適合你去食嘅就最安全啦:smiling_face_with_three_hearts:

Hello @Man

你所講嘅應該係「尿道球腺液」(precum),係當陰莖興奮嘅時候已經會分泌出嚟嘅透明液體。而「前列腺液」(prostatic fluid)其實係屬於精液嘅一部分,係奶白色嘅,係一般情況下都唔會單獨出現嘅。

不過你講得啱嘅係,安全套應該係性行為嘅成個過程都要使用,而唔係射之前帶就可以。因為頭先所講嘅尿道球腺液,其實都含有少量精子,所以(係冇做任何安全措施嘅情況下)只要性器官之間有直接接觸到,體液之間有直接接觸,就有機會導致懷孕(同埋性病嘅傳播)。

喺今次嘅情況底下,由於佢已經係適當嘅日子用咗驗孕棒驗孕,而結果係呈陰性嘅,咁就已經可以排除懷孕嘅可能性~

唔該晒你既答覆!
希望真係可以快啲黎!🥲🥲🥲

想知經前綜合症係咪會有關節痛既問題?

同埋身體發熱

Helloo

喺解答之前等我都補充多少少關於經前緊張綜合症嘅資訊啦~佢係指婦女周期性地喺嚟M前出現嘅身體不適、心理或行為改變。其特點在於嚟M前一至兩個禮拜開始出現,而嚟M後症狀會自然消失。呢個所謂「症」係有機會發生喺每位女性身上,因此佢都係想見嘅唔使太擔心:)

但係要診斷係咪患咗呢個症唔單止靠出現一次嘅症狀或者睇一次醫生可以判斷,而係必須記錄連續3個月經周期入面嘅症狀&分級,之後由醫生根據完整嘅病歷和體格檢查,排除其他生理&心理疾病後先可以診斷到。如果真係好擔心嘅話都可以考慮睇醫生呀:raised_hands:t6:

而經前緊張綜合症嘅症狀可以多過150種,而常見嘅有:
乳房脹痛、觸痛手腳腫脹、腫脹感
體重增加、頭痛困倦及全身無力、情緒不穩、煩躁易怒、精神不集中、健忘、反應衝動、睡眠紊亂、失眠或嗜睡、食慾變化、胃口改變等等……

至於你所講嘅症狀的確有可能關呢個症事,但我哋冇辦法100%肯定,因為都有機會係我哋身體嘅血液循環、疾病,或者係心理因素導致身體有呢類反應。

最後文字入面都好感受到你嘅不安,不過正如上面嘅回覆都有提及,如果有適當咁用驗孕棒驗孕嘅話,可以嘗試俾自己相信呢個結果呀:)另外唔建議自行催經,因為每個人體質唔同,坊間嘅催經方法未必適合每個人。