想問下食完事後丸之後第一次黎m個月經量會唔會變長? 因為我自己就覺得月經時間變長左 好似成日都有少少咁 今日係第六日 有時就比較暗紅/啡有時又好似普通黎m咁 想問係咪正常定係點
hello @mysteriousme
首先都希望同你講返事後丸嘅原理，其實事後丸係一粒帶有大量人造荷爾蒙嘅藥丸，透過令身體荷爾蒙水平產生變化，去抑制排卵、妨礙受精以及防止受精卵著床嘅機率。所以食咗事後丸之後，有機會出現唔同嘅副作用，例如頭暈、胸脹、流啡，而好多時亦會影響到下一次嘅月經，包括嚟月經嘅日子、月經嘅長度甚至經血嘅顏色都係有機會出現變化。所以今次係食咗事後丸之後嚟嘅月經比起以往有唔同都係好常見嘅情況，唔使太擔心。
另外，無論你有冇食事後丸，其實月經本身都會因為好多原因，例如你嘅情緒、壓力、荷爾蒙變化、飲食習慣等等，而提早或延遲，或者喺月經來臨嘅過程出現變化。咁更何況你食左事後丸呢～
最後，因為事後丸唔能夠作為長期嘅避孕方法，希望你下次可以找尋一個安全可靠而且合適你同伴侶嘅避孕方式。