16號黎完m 有帶套外射（套冇穿）
射咗係鼠蹊
唔知會唔會流入去
依家有啲驚….
第二日見到熟睡褲有小小血
Helloo
如果安全套喺使用嘅過程中冇過期冇穿並且緊貼陰莖嘅話，呢度可以排除因為安全套問題而造成嘅懷孕風險先。但如果係外射其實都有一定嘅懷孕風險喺度（雖然未必大），因為精液有機會流入或者接觸到陰部。
而按你所講嘅時間，今日已經係距離性交之後嘅第六日，超過左食事後丸嘅服用時限- 單一荷爾蒙（性交後72小時內食）& 黃體激素受體劑（性交後120小時內食）。所以你可以考慮聽日（23/1）驗孕。一般受精卵著床需要6-9日，所以性行為最快7日後驗已經可以有初步結果，而性行為11日後驗孕，已經可以話係準確&可靠。呢度補充多少少先，驗孕主要係檢驗尿液入面嘅hCG(卵子受精着床後身體會產生嘅荷爾蒙)水平。而坊間嘅驗孕棒準確度都好高，只要跟返驗孕棒相應嘅指示操作，喺有效時間內閱讀結果- 通常喺5至10分鐘內（以說明書所述嘅時間為準）- 基本上都唔會有大問題
最後都見你有提及到熟睡褲喺性交第二日出現咗啲血，呢點都有可能同伴侶太大力、性交時潤滑不足有關。建議可以同伴侶溝通返，例如用潤滑劑/適當時補充潤滑劑/調節雙方嘅節奏等等，避免出現以上情況～ 同埋之後嘅性行為都可以全程用返安全套，有更加好嘅保障:)
2月1號係排卵期 但26號開始排….
想了解下你提到26號開始排係咩意思？排卵期方面，因為經期會受好多唔同嘅因素影響，例如生活習慣改變、心理壓力大、生病服食過藥物等等，所以每個月嘅排卵期都有機會唔同，好多時要到月經嚟咗先至可以推算返幾時排卵期，所以以排卵期去計算性行為嘅懷孕風險並唔可靠。