Check 完之後都未嚟M

前提可以睇返之前
咁話說我去咗check
結果如下


我望到嗰刻
點解仲有啲粉色
咁我諗有可能係本身係咁
我見到冇事好開心就掉咗佢
但係過多一分鐘
又覺得好似唔係幾準就喺垃圾桶拎返上嚟睇
結果如下
(加唔到多一張相)
望到嗰刻就完全冇嗰啲淺粉紅色
咁就確定冇事
咁之後就冇咗回事

但係過多幾日我仲未嚟M
我開始好驚
諗住去家計會check
比電話去問
但係要$900
太貴又我自己一個人比
咁我驚嗰陣時我係睇錯所以想大家幫我望一望
因為我真係第一次check
咁樣樣我真係有啲唔確定
不過我都會check 一次
我係驚我睇錯

同埋呢一兩日覺得個胸好脹
好唔舒服
跟住我又開始焦慮症發作
(冇check但係我應該有)
所以我真心驚

不如你先講你今個月有冇發生不安全性行為,講多小小資料幫你分析成件事,暫時都唔駛咁擔心先

Hello睇返你本身講嘅情況,其實你喺發生完果次性行為之後已經嚟咗月經,基本上已經排除咗嗰次性行為有機會導致懷孕嘅可能性。加上你後來都有驗孕,而結果都係冇懷孕嘅。

今次你驗孕嘅結果亦再次顯示你係冇懷孕。你一開始見到測試區有少少粉紅色可能係因為未等夠呢個牌子驗孕棒指示嘅等候時間,但無論如何最終結果都係顯示你現時係冇懷孕。

之前同事都有同你解釋過其實有好多因素係會影響月經,例如病過、食過藥、情緒起伏或者生活作息有改變等等。而焦慮嘅情緒對體內荷爾蒙會有一定影響,變相亦會影響到月經周期。一般人嘅月經周期都唔會係每個月完全一模一樣,而如果出現過以上所講嘅因素,變化就會更加明顯。見到你呢兩個月都經常為自己會唔會已經懷孕感到擔憂,甚至好似你所講有啲焦慮,呢啲情緒除咗會為自己帶來壓力,有陣時都會改變咗一啲生活習慣,例如因為好擔心而瞓唔着或者食少咗野,而呢啲生活習慣改變亦會更進一步影響月經周期。加上見到你之前提及自己未成年,你年紀應該都仲係比較細,喺呢段時期荷爾蒙嘅變化會更加明顯嘅,月經周期亦會有更大嘅波動。

其實而家呢一刻已經完全排除懷孕嘅可能性,但好明白月經一日未出現你都依然會覺得好擔心:pensive:但都真係要試吓搵辦法幫助自己放鬆心情或者分散注意力,例如追一套新嘅劇或者只學一樣新嘅嘢。因為你越緊張其實對身體嘅影響就越大,而且因為月經嚟唔嚟而感到焦慮都會好影響你嘅日常生活:pleading_face:

暫時來講因為距離你本身預計月經嘅日子唔係遲咗太多,即時你去睇醫生,醫生都未必會處方可以催經嘅荷爾蒙藥物俾你。另一方面,有好多人會話飲涼茶或者食某啲食物可以令月經快啲嚟,但其實呢啲方法唔係每個人嘅體質都啱用,胡亂使用有機會對身體造成更加大嘅影響,甚至令月經更加遲嚟。你可以考慮吓去見中醫,等中醫評估你身體狀況後選擇適合你嘅調理藥方就有機會可以令到月經快啲嚟。不過都要有心理準備,因為中藥調理身體一般都一段時間,唔會一飲咗就即刻嚟月經架。

唔使驚!有咩事我哋都會喺度陪住你!嘗試吓放鬆自己嘅心情,分散一下注意力,月經好快就會嚟㗎啦!:purple_heart::purple_heart:

咁我想問下呢
我又黎完m
之前又check咗冇試
咁係唔係一定冇事㗎啦

因為我近依幾個月
個下腹果到會一時時痛
我又冇去check
我又打哂HPV
咁但係唔知點解會痛

Hello~想問吓你最近係咪有發生唔安全嘅性行為?所以先至又咁緊張去驗孕?因為有嚟月經嘅話,基本上就唔係有咗。如果你呢八個月都有嚟月經嘅話,咁就一定唔會係懷孕,可以放心🫶🏻

至於你話下腹會一時時痛,但係文字我哋係唔能夠知道你嘅情況嘅,如果你覺得有需要嘅話可以去家計會做個詳細嘅婦科檢查,咁就最穩陣啦!婦女健康服務 - 香港家庭計劃指導會