肛交嘅問題

你好,其實有好多問題想問下。1. 經過多次肛交後,已擴大嘅肌肉係咪無得復原?(即係個洞有咁大就咁大?) 2. 如果啲肌肉無得復原咁係咪好影響排糞? 3. 肛交係咪容易導致痔瘡?

因為係我認知,肛門果啲肌肉好似唔係富有彈性,所以好似整大咗就無得返轉頭。 但男友好似對肛交好有興趣咁,我想嘗試說服佢唔好,所以想知下肛交嘅壞處。

Hello​:ok_woman:t2:

  1. 喺進行肛交嘅時候,被進入嘅一方嘅肛門括約有機會有一部份肌肉會折斷,令肛口可以容納陰莖繼續進入。另外肛口附近嘅組織同埋肛管內嘅黏膜亦會有小部份裂開,所以進行肛交嘅過程不時會有出血嘅情況。而如果發生肛交次數多嘅話,係有可能會令肛門括約肌鬆弛~
  2. 因為肛門括約肌鬆弛嘅影響下,係有機會導致排便能力減弱架,所以可以做一啲運動去加強肛門括約肌嘅運用同埋整個盆骨底功能,例如凱格爾運動可以有助預防或者治療排便能力減弱嘅問題~肌肉本身有一定嘅彈性同埋韌度,只要有適當地鍛煉括約肌係可以維持到肌肉嘅收緊同放鬆能力,避免你所擔心嘅肛門擴大嘅情況發生。
  3. 一般情況嚟講肛交並唔會直接導致痔瘡問題,但如果係有生痔瘡嘅情況下進行肛交,就會令痔瘡問題惡化,造成出血~

除咗以上提及嘅影響,肛交所導致嘅染病情況都值得留意:face_with_monocle:因為當肛交嘅時候會有出血或者傷口嘅出現,雙方出血嘅時候就會有血液交流嘅機會,細菌同埋病毒就會因出血同埋傷口破損嘅組織而傳播, 細菌可以由尿道到整個泌尿系統,引起例如尿道炎、膀胱炎、輸尿管炎等,而且病毒亦可到達前列腺、精囊、輸精管等引起其他炎症。仲有一啲性病嘅傳染例如梅毒或者淋病等,所以肛交傳播性病嘅風險相對較高。

而好多時我哋對於肛交嘅印象都係「好痛」,其實有好多原因導致,例如係因為太緊張導致括約肌未放鬆,冇使用潤滑劑,肛口附近皮膚乾燥,或者係安全套喺進入肛門嘅時候有皺摺。所以想嘗試肛交之前,首先最緊要一定要同伴侶好好溝通,見到你有提及男朋友對肛交有興趣,你都可以同佢表達你自己嘅感受啊~如果真係要發生肛交,你同伴侶都要先清潔性器官及肛門周圍,並使用肛交專用嘅潤滑劑可以減低磨擦造成嘅損傷同埋出血情況。並使用合適尺寸嘅安全套,以減低傳播性病同埋其他炎症嘅風險:ok_woman:t2:

明白啦 唔該你:pray:t2::pray:t2: