我琴日同女朋友係房入面有啲親密接觸， 我下體同女朋友有啲磨擦，唔小心射左，但我當時有著面褲+底褲，加上女朋友都有著底褲+面褲，當然我亦都冇插入女朋友陰道。我覺得隔左四條褲，精子應該好難去到陰道，能夠抵達陰道嘅精子應該唔多，應該唔會搞大肚？
Hello
如果性行為過程入面精液有冇接觸到陰道嘅話，都可以唔使太擔心，因為精子需要有精液嘅存在先會生存到，一旦暴露喺空氣不足幾分鐘之內就會揮發同死亡，而精子接觸到衣物嘅話，大部份精液會被物料吸收，所以精子嘅存活率好低，懷孕率都好低呀～
如果真係好擔心嘅話，都可以進行緊急避孕，你哋可以喺性行為72小時／120小時內，喺醫生處方下服用緊急避孕藥。你哋可以盡快預約家計會診所／母嬰健康院／部分私家診所睇醫生。
而如果你同伴侶商量，衡量過風險之後，認為唔需要使用緊急避孕措施，而你哋又擔心嘅話，都可以考慮自行驗孕。喺性行為7日後驗孕會有初步結果，11日後驗孕就會得到相對準確嘅結果。你哋可以計算返日子，然後根據驗孕棒包裝／說明書嘅指示進行驗孕。