我係食事后丸之前前兩個禮拜先嚟完m 之後食咗事后藥 隔咗大概7日又出血（但係同我平時普通嚟m分別唔大 都係差唔多份量）好擔心有左
Hello 因為事後丸係含有高劑量荷爾蒙嘅藥物，服用後除咗有機會出現唔同嘅副作用，好多人食完之後下一次嘅月經都會出現變化。而呢個變化係講緊有機會改變嚟月經嘅日子、月經嘅長度、經血嘅狀況等等。所以你所講嘅月經早咗出現都係有機會發生㗎。
如果你所講出血嘅情況係好似平時月經咁有連續幾日都流血，血量亦同以往月經差不多，咁好大機會就係提早咗嚟月經，唔使太擔心。嚟咗月經基本上就可以排除懷孕嘅可能性，但如果你想進一步確認可以買驗孕棒測試一下。係性行為發生7日驗孕會得到初步嘅結果，而係11日後驗結果已經會相當可靠。
因為事後丸喺香港係屬於需要醫生處方嘅藥物，如果服食前醫生有評估過你嘅狀況認為適合食藥，咁基本上都係安全嘅，對身體亦唔會有太大嘅影響。
不過始終有高劑量荷爾蒙曾經進入過體內，亦改變左呢一次月經嘅日子，身體會需要啲時間去適應返原本嘅月經周期，再下一次月經同你未食事後丸之前嘅日子未必會完全相同，但身體都會慢慢調節返，所以唔需要太擔心～