關於避孕丸

我由上年2021年二月十四日開始食yaz避孕丸食天天準時一粒,但我今年23號同男友發生關係,無套。到今日先發現少吃一粒。請問會唔會有左架?

我完全唔記得今日遲左邊一日食。同埋昨天要服用個一粒係無藥性

途中因為我買唔切藥就用優思明,但都準時服用

我由上年2021年二月十四日開始食yaz避孕丸食天天準時一粒,係上年十月/十一月途中食過優思明,但都準時服用但我今月23號同男友發生關係,無套。23號食左粉紅色個一粒到今日先發現少吃一粒,23號原先要食應該係無藥性。請問會唔會有左架?

你已經服藥近一年,中途冇漏食,身體應該已經建立咗相對穩定嘅避孕功效。而你近期漏咗服用一粒,係有機會降低避孕成功率,不過因為你已經服用咗一段時間,而漏服之後都有每日食藥,所以風險都相對比較低。

如果你真係好擔心,你可以喺性行為72小時/120小時內服用緊急避孕藥。
避孕藥係通過人造荷爾蒙去抑制排卵、增加子宮頸分泌物嘅粘稠度、同埋改變子宮內膜環境,從而達致避孕功效;
而緊急避孕藥係通過個劑量嘅人造荷爾蒙,以同樣嘅藥效,達致緊急避孕嘅功效。
現時常見嘅緊急避孕藥分為兩款,一款係單一荷爾蒙(黃體酮),要喺性行為72小時內服用,服用呢種事後藥之後,可以繼續服用你本身食緊嘅避孕藥 :heavy_check_mark:
另一款係黃體激素受體劑,喺性行為120小時內服用,但係,服用呢種事後藥後,同一個月經週期就唔可以再食避孕藥 :x:
如果你有需要,就盡快去睇醫生食藥,記得要同醫生講清楚你有服用避孕藥。你可以去家計會診所/母嬰健康院/部分私家診所睇醫生攞藥。 :woman_health_worker:t2: :man_health_worker:t2:

而如果你衡量完風險,決定唔食藥,咁就可以等待月經出現,月經出現就唔需要擔心啦。

見到有講到漏食,但又唔知係邊日冇食,都有啲建議俾你考慮下嘅。你可以考慮設立鬧鐘提示同埋用日曆記錄你嘅服藥情況,理應每4個星期就開一包新嘅藥。你亦可以考慮用一啲專門提示服藥嘅APP,可以提示同埋記錄每日食藥,仲有啲APP係避孕藥專用嘅,可以根據需要設定埋停藥時間(如果你係食21+7嘅藥,即係例如優思明呢款,食21日之後停藥7日,然後再繼續服藥)。 :alarm_clock:

同埋yaz呢隻藥每盒都有貼紙,你都可以善用呢樣嘢,貼返適合嘅貼紙,食藥嘅時候都可以睇返啱唔啱#有冇漏食。例如如果你逢星期一開一包新嘅藥,你可以貼返「一(MON)」開始嘅嗰一張貼紙,每日食藥嘅時候都可以對返,咁如果漏服都可以即刻食返。 :blush:

轉藥嘅話,身體有機會因為要適應新藥物,所以有副作用/唔舒服出現。所以建議每次開一包新藥,都要確保自己有至少多一包,所以你都可以睇返時間買藥。有包後備藥,咁如果食緊嗰包遺失咗,或者因為漏食要補食多粒,咁都可以有藥食。 :wink:

應該唔會轉,因為十一月有排身體出微血咁,直到十二月中正常,嚇死我

我聽日去食事後丸都得嗎?

你11月輕微出血/流啡嘅原因可能就係因為10-11月轉咗藥。其實每隻避孕藥當中有嘅人造荷爾蒙嘅劑量同成份都有啲唔同,所以即使食開藥,身體冇唔舒服,而轉藥都可能會令到身體要重新適應藥物,所以會有啲副作用出現,而輕微出血就係其中之一。

如果你23號發生性行為,聽日都未過72小時,你可以服用阿。提提你,事後藥喺香港係處方藥物,要由醫生處方俾你。

同埋記得要同醫生講你本身食緊邊隻避孕藥,之後會唔會繼續服用,等醫生考慮呢個因素 :wink:

家計會見醫生要約。姑娘可以比到72小時:sweat_smile:。我下次要小心啲

如果你未夠26歲,可以去預約青少年保健中心嘅服務,你可以用佢嘅網上預約服務,職員會睇返你嘅情況盡快幫你安排緊急避孕服務

而如果你超過26歲,理論上係唔需要預約(你可以參考返下邊呢個家計會網站資訊),不過可能需要等候一段時間先見到醫生

1個讚

我過了26歲唔該你

我想問係計性行為後既72小時內?

當日23號當唔當?

Hello

冇錯呀,係性行為後嘅72 / 120小時內(視乎係邊隻藥);換言之,即係由你同男朋友23號發生左性行為後起計:+1:t6:,不過呢度都想問下你係喺23號咩時間發生性行為嘅?因為72小時後已經係26號,如果你係23號朝早發生性行為,但26號夜晚先去嘅話就會遲咗㗎啦。

另外,正如Ching_ StickyRiceLove所講,如果你過左26歲,正常係唔需要預約的,不過可能都需要留意一下疫情下嘅改動。

我25號去左家計會食事後丸,要等幾多日先嚟m?

今天發生性行為第七天,用左驗孕棒顯示陰性

Hello​:ok_woman:t2:其實食咗事後丸之後,我哋都好難準確預計幾多日之後會嚟月經,但可以補充番少少,食事後丸有可能會令下一次月經提早/延遲,而且會出現一啲副作用例如:頭痛、噁心、頭暈、疲倦、經痛、腹痛、背痛及乳房脹痛等。
至於驗孕嘅結果,因為驗孕棒係透過檢測尿液中嘅hCG (人絨毛膜促性腺激素)含量,而呢款激素會係受精卵著床後開始大量分泌,一般受精著床呢個過程需要6-9日,所以你係性行為後7日使用驗孕棒就係一個初步嘅結果。如果想進一步提升結果嘅準確度,可以係11日後在進行驗孕,結果就會更加準確啦~

最後係一月三十日驗完後係陰性,之後當天嚟m

1個讚