安全套甩咗一半

上星期日,,退出安全套時,發現甩咗一半,但依然係JJ上面,只不過甩咗一半,有注水測試,無穿,請問懷孕機會大唔大?

Helloo

即使避孕套冇穿都好,呢個情況的確係有風險嘅,因為退出嘅時候有機會令尿道球腺液漏出(precum) - 男性喺性行為時因為性興奮而有機會分泌出透明黏稠狀嘅液體,當中都有存在精子- 從而流入陰道構成懷孕風險。

另外想了解多啲嘅係:射完拉出黎嘅時候,陰莖係咪已經軟晒?定還是都係同勃起嗰陣嘅size差唔多?如果係後者嘅話,可能安全套嘅尺寸都唔係太合適,建議可以度下&揀返適合自己嘅尺寸;合適嘅安全套應該貼緊陰莖唔會有鬆嘅感覺,不過都可能係唔同剪裁嘅分別,如果而家自己用緊嗰隻係啱size嘅話,可以試吓其他牌子睇吓情況有冇好啲。同埋都建議射精後盡快將陰莖抽出,因為過程中陰莖會變軟變細,令到安全套好容易甩,因此抽出嘅時候亦都可以㩒實安全套底部周圍確保精液唔會流出/甩。
呢度都俾多啲資料你參考下呀:)

如果真係好擔心嘅話,都可以以緊急避孕方法,例如食事後丸。而事後丸可以喺家計會丶母嬰健康院丶婦女健康中心丶婦科診所等等取得,俾個網址你參考下呀:)

事後丸有分兩隻: 一隻係屬於單一荷爾蒙(72小時之內食),另一隻係黃體激素受體劑(性交後120小時之內食)。

性交後72小時內食嗰隻事後丸屬於單一荷爾蒙系列。理論上食咗已經會開始有藥性,完美使用嘅話成效都有成97-99%(期間冇因為嘔吐副作用而將藥物排出),不過都食完事後丸有機會有唔同嘅副作用,例如係頭暈丶噁心丶疲倦丶經痛等等… 甚至影響下一次月經嘅日子同埋血量,同埋越遲食會越影響藥效;但係120小時嗰隻就唔會。所以都有定心理準備呀。

不過,唔係每間診所都會提供兩種類型嘅藥,可以喺預約嘅時候問吓診所會有邊種藥提供到,從而按照自己需要選擇:)

另外呢個係關於事後丸嘅額外資訊:

如果真係唔放心嘅話亦可以喺性行為11日後驗孕 。一般受精卵著床需要6-9日,所以性行為最快7日後驗已經可以有初步結果啦~而性行為11日後驗孕,已經可以話係準確&可靠。呢度補充多少少先,驗孕主要係檢驗尿液入面嘅hCG(卵子受精着床後身體會產生嘅荷爾蒙)水平。而坊間嘅驗孕棒準確度都好高,只要跟返驗孕棒相應嘅指示操作,喺有效時間內閱讀結果- 通常喺5至10分鐘內(以說明書所述嘅時間為準)- 基本上都唔會有大問題:+1:t6:

其實成個安全套都係陰莖上,應該係射完軟咗,因為射咗好多,退出時安全套依然係陰莖上,不過就移咗位,無流出

請你睇睇有冇問題

Hello

如果甩咗一半,陰莖都有可能沾有少量精液,過程中可能接觸到陰部,因此都有風險喺度嘅。正如之前都提及過,建議射精後盡快將陰莖抽出,因為過程中陰莖會變軟變細,令到安全套好容易移位,因此抽出嘅時候亦都可以㩒實安全套底部周圍確保精液唔會流出/甩套/移位,同埋都可以考慮食事後丸&性行為後七日驗孕:)

個安全套無甩出離的,係擔心會唔會精液流咗出嚟

Hello​:ok_woman:t2:如果有精液流出黎嘅話,過程中都有可能接觸到陰部,所以都會有風險嘅。如果真係擔心嘅話,可以考慮返食事後丸,或者性行為七日後進行驗孕。詳細嘅資訊我見到上面嘅同事 @Andy_StickyRiceLove 有提及到,有需要嘅話可以睇返啊~