由2019年11月開始食yaz 21粒
之後家計會上月12月左右轉左新藥（成份完全一樣)
每月星期三食
佢呢個包裝設計比較差，
搞到今次星期一食左星期日個格藥
然後今日做左，亦有check，冇懷孕（上星期二做）
今晚突然發現自己食少左粒！
問題係唔知邊日冇食！
想問會唔會有事🥲🥲
1個讚
Helloo
如果而家食緊嗰隻藥嘅成份（荷爾蒙劑量）同以前嗰隻一樣，再加上你長期有食嘅話，理論上已經有功效 (只要期間定期食&冇漏食）。
呢度都想問下當時發生性行為嘅時候有冇使用安全套？如果冇嘅話的確都會有風險喺度呀，一旦出現漏食，都建議之後嘅兩星期內用返安全套，增加避孕率:) 而你之前食藥嘅pattern已經有一日嘅變化，所以而家已經唔需要再睇返你之前嘅服藥週期，喺食完嗰21粒藥之後，停藥7日，然後無論月經是否完結，都開始食新一排藥，之後都繼續依照呢個pattern去食。
另外都想問下當你發現自己漏食時，有冇補食返？因為當出現漏食時，除左應該喺之後嘅兩星期內用返安全套，另外亦要喺記得嘅時候即刻補剩返一粒，而根據你所講嘅牌子應該要喺24個鐘之內食，否則藥效會降低。不過每隻牌子都唔同，因此要根據說明書睇返相應嘅時效。
如果真係好擔心嘅話，亦都可以考慮食事後丸。而事後丸可以喺家計會丶母嬰健康院丶婦女健康中心丶婦科診所等等取得，俾個網址你參考下呀:)
事後丸有分兩隻： 一隻係屬於單一荷爾蒙（72小時之內食），另一隻係黃體激素受體劑（性交後120小時之內食）。
性交後72小時內食嗰隻事後丸屬於單一荷爾蒙系列。理論上食咗已經會開始有藥性，完美使用嘅話成效都有成97-99%（期間冇因為嘔吐副作用而將藥物排出），不過都食完事後丸有機會有唔同嘅副作用，例如係頭暈丶噁心丶疲倦丶經痛等等… 甚至影響下一次月經嘅日子同埋血量，而服用呢種事後藥之後，可以繼續服用你本身食緊嘅避孕藥，但越遲食會越影響藥效；而120小時嗰隻就唔會，不過服用呢種事後藥後，同一個月經週期就唔可以再食避孕藥啦。
另外，唔係每間診所都會提供兩種類型嘅藥，可以喺預約嘅時候問吓診所會有邊種藥提供到，從而按照自己需要選擇：）
呢個係關於事後丸嘅額外資訊：
最後亦可以喺性行為11日後驗孕 。一般受精卵著床需要6-9日，所以性行為最快7日後驗已經可以有初步結果啦～而性行為11日後驗孕，已經可以話係準確&可靠。呢度補充多少少先，驗孕主要係檢驗尿液入面嘅hCG(卵子受精着床後身體會產生嘅荷爾蒙)水平。而坊間嘅驗孕棒準確度都好高，只要跟返驗孕棒相應嘅指示操作，喺有效時間內閱讀結果- 通常喺5至10分鐘內（以說明書所述嘅時間為準）- 基本上都唔會有大問題
雖然上星期二嗰次嘅性行為出左結果出咗嚟，但係今日嘅性行為結果就未有咁快可以出到，可以等七日之後再做初步檢驗：）
1個讚
我冇補食到，我因為我都唔知邊一日冇食到
我驚已經過咗兩日，
過咗兩日都唔知有冇用
另外都冇用其他安全措施
因為自己一直都食得好準時
我係今次唔知點解食少咗一粒（應該上個禮拜四至到今個禮拜一其中一日食少左)
搞到我好大壓力
去左家計會 醫生話少食左一粒應該冇問題
叫我唔駛食緊急避孕藥
我依家番屋企再補多粒😵💫
然後今晚照食 希望冇事
如果你一直都keep住食避孕藥好幾年，藥效喺身體裏邊已經建立得好穩定，即使你留食咗一粒藥都好，對身體來講影響都係比較細嘅。
好欣賞你漏咗食藥就即刻去家計會嗰邊見醫生！醫生都講你唔需要食事後丸，咁醫生嘅判斷都係準確嘅，我哋都可以相信醫生，唔擔心㗎啦。
1個讚