你好，我係女仔。
壓力大時，我會自慰，通常會夾腿，例如側臥在床上，右腿會壓住左腿摩擦，
不久就會有快感，以前我會有感覺就停止，不過最近會花好多時間在製造
這個感覺。可能過度用力和太頻密，我發現我有便秘（幾肯定係因為夾腿造成），就是感覺
便便卡在某個位置，感覺到但排不到出來，會不停放屁，使我感到好焦慮，好擔心。而且，
尿意也受影響，就是沒有了以前尿急時的逼尿感覺，請問這些狀況會恢復嗎？再者，這樣自
慰得太多會影響日後懷孕的機會嗎？謝謝。
Hello @Toknowmore
自慰本身係唔會直接造成便秘或者令到尿急嘅感覺消失咗嘅，不過，無論係自慰、性行為定係高潮，其實都唔淨係性器官嗰部分嘅肌肉運作緊，即係唔係淨係得陰唇、陰蒂同陰道肌肉感受到，而係成個下盤部位肌肉嘅都會一齊收縮、感到刺激以及控制。例如係包括我哋嘅盆骨底肌肉，尿道肌肉及肛門括底肌都有機會會一齊收縮。盆骨底肌肉就係由恥骨向後伸展到尾龍骨圍繞著尿道、陰道同直腸嘅肌肉。而其實呢一群肌肉組係好似一個吊網咁，我哋嘅尿道、膀胱、陰道、子宮、直腸等等嘅內臟其實都畀呢一個網吊住，繼而維持喺正常位置進行佢嘅功能。所以如果有啲時候刺激感好強， 可能短時間之內附近嘅肌肉係冇辦法喺短時間內放鬆返。 所以都希望了解返你所講便秘嘅情況以及尿意消失嘅狀況，係自慰完立即出現，抑或係過咗幾日，或者係其他情況呢？
另一方面，其實都有一啲其他嘅因素會導致便秘，例如 飲水太少、蔬菜食太少、運動量不足、或者其他有關腸臟嘅疾病 …所以初步根據你所講嘅狀況，其實現時都唔能夠確定係因為咩原因而導致。因此，我哋都有幾個建議，你可以嘗試一下睇睇情況有冇改善：
-
你可以嘗試減少自慰嘅頻率或者暫時停止自慰嘅行為，俾時間身體休息一下，俾肌肉放鬆返。你都可以嘗試喺自慰之後用溫暖嘅毛巾，嘗試熱敷腹部，幫助放鬆番盆骨底肌肉以及附近嘅肌肉組織。
-
另外，可以嘗試做一啲盆骨底肌肉嘅訓練， 例如凱格爾運動。凱格爾運動係能夠強化尿道、膀胱、大腸底下嘅肌肉，對於男性或女性嘅尿失禁、腸道控制困難同埋性功能等問題都有幫助。而點樣正確使用盆骨底肌肉，其實感覺就好似自己喺小便嘅時候憋住。先放鬆、再縮緊肌肉以控制尿液排放，你會感覺到自己嘅膀胱或肛門處的盆骨底肌肌肉收縮、上提。同時大腿、臀部、下腹部則應保持放鬆。而練習量應該保持適量嘅次數，否則會造成反效果，對腎臟或膀胱造成傷害。一般透過肌肉訓練係可以提升返肌肉嘅彈性同韌性。網上亦有唔少相關影片，可以跟住嚟練習。嘗試睇睇做完呢啲運動之後，會唔會令到你喺呢方面嘅情況有改善。
-
如果你所講排便或者尿意嘅情況已經維持咗一段長嘅時間，而且未必淨係喺自慰完咗先出現，而係已經影響到你日常生活， 又或者做完以上建議都冇感覺到有改善， 咁都建議你盡快搵醫生進行檢查，去檢查會唔會係因為其他身體狀況而造成， 例如腸道問題等等。
最後，自慰係唔會影響懷孕嘅! 而且都希望你了解返，自慰嘅「多」與「少」其實冇一個特定嘅標準，除非你自慰嘅方式係會傷害到性器官，或者頻率影響到你嘅日常生活，否則都係合理嘅。如果以宏觀去睇， 自慰係唔會傷害到身體嘅，但都建議你自慰嘅時候可以使用返潤滑劑同安全套，避免喺過程當中整傷自己嘅性器官。
謝謝你詳細的解答，我了解多左，冇咁擔心了。
便秘是立即出現的，而尿意消失既情況是過了幾日才出現。
Hello
如果便秘係喺自慰之後即刻出現嘅話，可能同自慰都有比較相關嘅關係，不過正如Gabi所講，自衛並唔會直接導致便秘/尿意出現，可能短時間之內附近嘅肌肉係冇辦法喺短時間內放鬆返，可以嘗試減少自慰嘅頻率或者暫時停止自慰嘅行為，俾時間身體休息一下，放鬆肌肉。或者都可以嘗試喺自慰之後用溫暖嘅毛巾，嘗試熱敷腹部，幫助放鬆番盆骨底肌肉以及附近嘅肌肉組織，平時都可以做凱格爾運動。另外飲食方面都可以食啲多纖維嘅食物令糞便比較軟容易排出。
而尿意消失既情況，正如Gabi都有提及，飲食（例如飲少咗水）都有機會出現呢個情況。另外自慰過程其實都會用到骨盆底嘅肌肉，呢啲肌肉不但會收縮&放鬆，同時亦承托緊膀胱，因此佢並不只有控制陰道收縮嘅功能。而呢個過程可能會令到肌肉train得有力左，因此可能會出現冇咁容易有覺得「一急尿就要即刻去」嘅感覺。
如果你所講排便或者尿意嘅情況已經維持咗一段長時間，並已經影響到你日常生活， 又或者做完以上建議都冇感覺到有改善， 咁都建議你盡快搵醫生進行檢查，睇下會唔會係因為其他身體狀況而造成， 例如腸道問題等等。