我一直都有月經失調嘅問題，呢幾個月都係遲大約七日先會嚟。我12月18號嚟m，12月24號嚟完，到宜家（2月1號）都冇再嚟過，中間大約1月2號個陣有流過三、四日啡紅色，12月嚟完m個陣同男朋友有戴套扑過，另外係1月裡面同男朋友發生左兩次性行為，兩次都有戴好安全套，都冇穿到，只不過係有一次無用套入左幾秒。
啲app predict 我應該1月23號就會嚟m，咁我見去到1月28號都未嚟就去驗孕，前前後後驗左3次，3次都係陰性，但宜家都未有m嚟我就好擔心，雖然我咁耐冇一次係準時，但都未試過遲嚟咁耐，請問我應該點做
補充返，個三次嘅性行為分別係12月24，1月3同埋1月22
Hello~ 因為男性喺性興奮陰莖通常會自動分泌尿道球腺液，即係俗稱嘅pre-cum，當中都含有少量精子嘅，所以你提到其中一次性行為時無套插入左幾秒，都的確有懷孕嘅風險嘅。
不過見你已經進行左驗孕，先簡單解釋返驗孕棒嘅原理，因為驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。而照你所講嘅情況，進行驗孕嘅日子係28/1，距離24/12同3/1嗰兩次性行為已經超過11日，所以結果係好準確嘅
而距離22/1嗰次性行為就未過7日，有機會未能測出準確嘅結果，建議宜家再驗多次，如果結果都係陰性嘅話，就應該係無懷孕啦
至於月經遲黎方面，月經本身就係可以被不同外在同內在因素影響嘅事，例如病過、食過藥、情緒有起伏、有壓力、生活作息有明顯改變等等，都係可以導致荷爾蒙水平有變動，從而影響到月經周期嘅原因。有時即使冇發生過一啲明顯嘅變化，月經周期都係可以有變動嘅，唔係話每一個人每一個月嘅月經周期都會一模一樣，亦好少係每個月都同一日嚟月經。所以即使月經日子同預期嘅有差距都唔一定係懷孕，如果真係好擔心嘅話，建議去睇醫生了解下身體狀況同埋有無需要調經。
1個讚
多謝你嘅解答我係2月2號年初二個陣又再驗左多次都係顯示陰性，咁係咪都確定到冇懷孕？同埋今日都流左啲血絲出嚟，但就係冇m嚟，我係比較擔心會有bb，驚驗完冇懷孕最後都係中左 ，遲嚟m個到反而唔驚，因為好耐之前睇過醫生都話我有多囊性卵巢
Helloo
距離你上次（1.22）性行為嘅日子已經第14日，如果驗咗都係顯示陰性嘅話就可以放心相信呢個結果啦：）正如Ana都有提及月經受唔同因素影響，當中嘅帶血絲嘅分泌物亦有機會係經前症狀唔使太擔心呀，坊間嘅驗孕棒準確度都好高，只要跟返驗孕棒相應嘅指示操作，喺有效時間內閱讀結果- 通常喺5至10分鐘內（以說明書所述嘅時間為準）- 基本上都唔會有大問題。
1個讚