男朋友唔想射精
應該話
想唔射精
佢話除咗係想我可以舒服耐啲之外 （補充：佢真係比較敏感，比較容易射，所以佢都好畀心機喺前戲嗰陣就用手令我高潮咗先，後戲亦都好care我，從來都唔會射後不理）
亦都有同我講過話其實佢好矛盾
想打飛機但係又唔想打
想係因為佢好享受刺激龜頭，想長時間一直置身於嗰種感覺
唔想係因為實在太容易射，佢根本完全未滿足就已經頂唔住 射咗，好冇癮
同埋射咗之後真係「掂都唔掂得」，一掂到龜頭就唔舒服，甚至會痛，然後好自然就會縮，所以想即刻打第二次又唔得
作為女朋友，我可以點幫佢？
Hello~ 首先好欣賞你同男朋友有就住性行為時雙方嘅需要溝通
照我嘅理解，你嘅意思係唔係因為男朋友好敏感，喺插入式嘅性行為時通常好快就射精，而佢又想享受耐啲射精前嘅歡愉，尤其係刺激龜頭方面，所以就好想避免喺插入式性行為時射精？
如果係依個情況嘅話，建議你可以同男朋友嘗試下使用斷續刺激陰莖 (edging)，即係刺激陰莖，直至感覺到即將射精為止，然後暫停刺激30秒，當射精意慾減退再度刺激陰莖，如是者重複多次，直至期望射精時，就持續刺激陰莖，直至達成射精。依個方法可以先喺前戲嘅時候嘗試，又或者你男朋友自慰時其實都可以嘗試下。不過要留意如果喺過程中感覺精液要射出時，就唔好嘗試阻止精液排出，用手壓緊陰莖或強行擋住尿道口，因為咁樣有機會令精液倒流，導致尿道、膀胱、前列腺發炎。
佢最近試到一個方法，令到自己射精之後都唔敏感
就係當feel到自己就喺要射嗰陣，就減低刺激強度，其實之後都唔算射，而係流出嚟，而佢係完全冇
佢最近試到一個方法，令到自己射精之後都唔敏感
就係當feel到自己就嚟要射嗰陣，就減低刺激強度，其實之後都唔算射，而係流出嚟，咁樣係算有射精而冇高潮？
正常平時射精之後係會變得好敏感
而佢用呢個方法係完全冇平時射完精嗰種敏感，即係佢可以喺精液流出之後，繼續刺激，唔會好似之前咁即刻想縮
但佢話有啲難度，因為佢揾唔到嗰個位
一係就硬係未刺激到排出精液
一係就刺激得太耐，導致好似以前咁，射精同高潮同時發生，然後又變得敏感而唔能夠刺激第二次
Hello
其實高潮係一個好複雜嘅問題，而且每個人對於高潮嘅定義都唔同，所以都想問吓你覺得高潮係一樣點樣嘅事？因為好多時我哋會覺得射精就係一個高潮嘅表現，但對某啲人嚟講可能只係生理上滿足到，但心理上未達到高潮。再加上性呢一樣嘢本身就係一個生理加心理層面上嘅討論，見到你有提及以前發生性行為嘅時候刺激得耐，射精同高潮同時發生，咁你覺得係咪代表生理同心理上都得到滿足？如果你試新嗰一種方法，減低左刺激度之後，有射精嘅情況但之後冇敏感，對你來講心理層面上係咪未得到滿足？所以總括嚟講你想達到嘅高潮，好視乎你對於高潮嘅定義
至於你提及以前發生性行為，射精同高潮同時發生後變得敏感，因此唔能夠刺激第二次，事實上無論男定係女喺發生性行為後都需要時間回復體力，所需時間因人而異，並唔會好似AV情節咁一晚內進行好多次性行為
其實有性行為開始，過程，到完結我哋嘅生理同心理上都會有變化，呢個稱之為性反應週期(Sexual Response Cycle)，可分為四個階段，其中提及男性喺最後一個階段消退期(Resolution)同女性不同嘅係，男性喺性高潮後會進入不反應期，正正解釋男性無法連續產生性高潮嘅原因，而呢個不反應期嘅時間長短會因年紀嘅增長而逐漸拉長。有興趣嘅話都可以click以下呢條link睇翻
就好似 @Ana_StickyRiceLove 所講，嘗試用不同嘅方法去刺激陰莖，慢慢試，令身體適應效果，就有機會達到你所追求嘅高潮同埋高潮後回復體力嘅時間啦～