停3個月避孕針後持續流啡

上年9月17嘅時候打左1次3個月嘅單一荷爾蒙避孕針,本身個姑娘話3個月後直接再去打就ok,點知夠期想去打嘅時候當值嘅同事話需要預約見醫生先至可以打,最快都排到4月但都可以照嚟睇吓先。
嗰陣前一日啱啱嚟M個人又唔係好舒服就諗住咁算啦唔出去啦。因為其實打完之後個經期長咗好多,一個月可能得10日係冇M,明白一開始係會亂啲但因為之後暫時冇需要都諗住停:full_moon_with_face:
咁呢次經期係12月16號開始啦,到而家都係keep住每一日有啡色分泌物冇停過,但佢又完全冇痛啊唔舒服嗰啲。上網見到都有人話停避孕藥之後有呢個情況,想知大概會持續幾耐_(´ཀ`」 ∠)_
:pray:t2:

Helloo

一般都唔建議自行停避孕針/避孕藥呀,因為身體都有可能出現啲反應,建議停之前諮詢一下醫生先會好啲:)

呢度我都補充多少少關於避孕針嘅資訊呀,其實佢有分兩隻嘅- 單一荷爾蒙& 混合荷爾蒙,你打嗰隻係屬於單一荷爾蒙(三個月一針)。

而注射單一荷爾蒙期間有機會出現月經不規則/經血流量減少/或閉經/體重增加/頭痛/乳房脹痛等等副作用。不過呢啲副作用係因人而異嘅,唔同人都可能有唔同副作用出現。至於持續流啡有機會係因為藥物令荷爾蒙分泌出現變動所導致,而食避孕藥都有機會出現流啡。
不過呢啲副作用短時間内會消失,大概一至兩個週期後會穩定返啲,唔使太擔心:)如果真係好擔心都可以搵返之前打針嘅醫生,同佢傾下呢個情況。

1個讚