處女結婚五個月還未行房

你好,希望這𥚃義工可以給予意見。
本人已婚五個月,跟先生一起五年,其中同居四年,自己是處女一直希望婚後才做那回事,而且先生一直體諒明白不介意婚後才性行為。到今年結婚後打算做時我害怕到哭,最後沒有做,之後也有嘗試但都失敗原因是我,未入已大叫又十分害怕(不是害怕懷孕是純怕插入這回事,就算是手指也很怕)久而久之就沒有嘗試,先生有說我的拒絕反應會打擊他自信,也有說這是結婚正常人做的事,他在蜜月期間有不開心,覺得我是否不愛他了⋯請救救我,為什麼我這麼怕插入⋯

你自己對插入有甚麼想法或感想?

你對撫摸或前戲時有沒有不安的感覺呢? 對先生的打擊都會有,但請不要太自責,這只會令你更加緊張。你們嘗試的時候自己心情放鬆嗎?

請問你由小到大時,家人或者是其他親近的人,對你的性行為或者是發育,有什麼影響?
我相信你先生都好關心你,尊重你的選擇,你都需要有人傾訴同俾意見,多謝你信任我地。

我本人十分瘦小,不眀曰為什麼這(東西)可以入自己瘦小的身體內,覺得一定會很痛甚至會弄痛下體,只是想已覺可怕

謝回覆,兒時屋企好細,同父母同床訓(起碼至六歲),佢地會深夜在床做那個,我會被弄醒但從未開過眼,次次都扮訓,緊緊合埋眼同控制自己唔郁(等不被發現扮訓)同驚(可能怕被發現醒了會被責備),總之他們一做我就冇覺好訓因為張床會郁例如彈下彈下又持續勁大聲拍打聲,當然細個完全唔知咩事,但「潛意識」又知要扮訓當唔知咩事,當然大過先知咩事

你應為是否同此有關?

我諗呢個都係每一個未發生過性行為的女生, 都會有嘅不安。但係陰道肌肉本身有彈性, 加上性興奮時愛液的分泌, 係可以容納得到男性的陰莖。試想想陰道連初生嬰兒都可以通過到 (當然有其他身體轉變), 咁又點會進入唔到呢? 不過性愛係要多番嘗試去令到大家都舒服的, 所以真係要預左會有一段時間的不適。但我覺得係要屢敗屢試, 亦無需要因為痛又或者自己/對方令你唔舒服而去怪自己/伴侶唔夠愛你。我相信呢段時間過左之後, 係一個幾好嘅回憶黎。

個人覺得係有影響的, 因為心理上你會覺得性愛係唔可以俾人地知道, 咁樣令你自細對呢樣野有壓抑, 同埋因為怕俾父母鬧而變得異常緊張。首先要先明白令堂佢地以前咁樣係迫不得已 (到宜家都有「土地問題」吧), 老一輩係家教上面亦都比較少提及性, 見到都要「非禮勿視」, 呢個亦都係風氣嘅問題。我諗由呢兩個切入點, 可以慢慢令你心理上慢慢釋懷。

唔知道呢樣野有無同你先生傾過?

你開初講過話你同先生同居左4年先結婚, 雖然無婚前性行為, 但同居呢段期間我諗都應該會有親匿一點的行為吧。對於呢D親匿行為, 你嘅感覺會唔會同有性行為一樣係抗拒架呢? 會唔會因為唔想有婚前性行為, 所以同居期間亦都無和性有關的行動 (例如Julia上面提過的愛撫)?

另一方面就係先生的技巧啦, 佢對於你身體的了解有幾多? 男生往往都有太過心急的毛病, 新手的話有可能係你未太興奮時就想進入, 咁樣多少都會令你心理上面有個負擔。

你可以看看hktv《大眾情性》第三集,裏面的性治療師個案都是真實個案改編,你可以睇下呢集輕鬆下,當然裏面的情節是比較誇大的。睇下自己受到家人的影響有幾大,看看能不能從改變自己對性的看法從而接受與先生做愛。

請問你先生平時係點樣解決自己的生理需要?