搞兩次會唔會中

今日我同女朋友搞第一次(無套),攞返出嚟射,之後佢去咗廁所洗,我坐咗陣都去咗廁所,我就用紙巾濕水抹個頭,之後入房隔咗一陣又再嚟多次,都係無套,又係體外射,之後就去咗沖涼,想知咁樣中嘅機率大唔大?

緊急緊急:bangbang::pray:t3::pray:t3:

Hello

今日我哋喺wts都收到個好相似嘅查詢,如果之後有相關嘅疑問喺其中一個平台問就可以㗎啦:+1:t6: 我地嘅同事會盡快回覆:ok_man:t6:

請問你女朋友有冇用開避孕丸/避孕針等避孕措施?如果冇嘅話,即使係體外射都好,其實有懷孕風險呀。因為性交過程中男性分泌嘅尿道球腺液(precum) 或者前列腺液有機會流入陰道構成懷孕風險。如果擔心嘅話建議之後性行為都可以用返安全套/根據身體狀況考慮食避孕丸/打避孕針。

(尿道球腺液:男性喺性行為時因為性興奮而有機會分泌出透明黏稠狀嘅液體,當中都有存在精子;前列腺液:白色黏稠狀,當中都有存在精子)

另外因為而家仲喺事後丸有效時間,或者都可以考慮食事後丸。
事後丸可以喺家計會丶母嬰健康院丶婦女健康中心丶婦科診所等等取得,俾個網址你參考下呀:)

而事後丸有分兩隻嘅: 一隻係屬於單一荷爾蒙(72小時之內食),另一隻係黃體激素受體劑(性交後120小時之內食)。

性交後72小時內食嗰隻事後丸屬於單一荷爾蒙系列。理論上食咗已經會開始有藥性,完美使用嘅話成效都有成97-99%(期間冇因為嘔吐副作用而將藥物排出),不過都食完事後丸有機會有唔同嘅副作用,例如係頭暈丶噁心丶疲倦丶經痛等等… 甚至影響下一次月經嘅日子同埋血量,而服用呢種事後藥之後,可以繼續服用你本身食緊嘅避孕藥,但越遲食會越影響藥效;而120小時嗰隻就唔會,不過服用呢種事後藥後,同一個月經週期就唔可以再食避孕藥啦。

不過唔係每間診所都會提供兩種類型嘅藥,可以喺預約嘅時候問吓診所會有邊種藥提供到,從而按照自己需要選擇:)

呢個係關於事後丸嘅額外資訊:

如果唔太放心嘅話,亦可以喺性行為11日後驗孕 。一般受精卵著床需要6-9日,所以性行為最快7日後驗已經可以有初步結果啦~而性行為11日後驗孕,已經可以話係準確&可靠。呢度補充多少少先,驗孕主要係檢驗尿液入面嘅hCG(卵子受精着床後身體會產生嘅荷爾蒙)水平。而坊間嘅驗孕棒準確度都好高,只要跟返驗孕棒相應嘅指示操作,喺有效時間內閱讀結果- 通常喺5至10分鐘內(以說明書所述嘅時間為準)- 基本上都唔會有大問題:+1:t6: