排卵期事後丸

hello 係app排卵日后一日有性行為 但害怕不准(沒有內射沒有套)
只插了幾下 怕前列腺分泌pre cum 會有精子
所以一小時內食了緊急避孕藥
過了幾日下腹悶痛 懐孕機率大?

你好呀, @bbbb6 :wave:t2::wave:t2::wave:t2:

因為你係性行為一個鐘內都食咗事後丸,其實成功率都好高架啦,唔洗擔心嘅。

同埋食完事後丸有機會有唔同嘅副作用,例如係頭暈丶噁心丶疲倦丶經痛同埋你所講嘅下腹痛等等,甚至影響下一次月經嘅日子同埋血量。因為事後丸係香港係屬於處方藥物,因此你都可以搵返開藥俾你嘅醫生,話佢聽你嘅情況,睇下佢會唔會有咩建議俾到你。:smiling_face_with_three_hearts:

如果真係好擔心,你可以係性行為最快7日後驗孕,已經可以有初步結果,而性行為11日後驗孕,就會得到更加準確嘅結果。:blush:

好欣賞你有mark低自己嘅經期日子,係一個好好嘅習慣嚟,keep 住呀。不過,雖然Apps可以透過以往嘅經期日子,計算你下次嘅排卵期及經期,但只能夠作為參考,並唔係一個好有效嘅避孕方法。因為月經受唔同因素影響,因此我哋要等月經出現先可以推算返嗰個週期,再估算排卵期,所以唔建議依賴或盡信手機apps所顯示嘅「危險期/ 安全期」,去發生唔安全嘅性行為。:pleading_face:

另外,你所擔心嘅應該係尿道球腺液(pre cum),呢種分泌係陰莖性興奮時就會有,而且有機會含有少量嘅精子。所以要係插入體內之前已經用正確嘅方式戴好安全套,而唔係就嚟射或者插完一兩下再戴架。:wink:

1個讚