性行為之後清潔

我性慾都算強
一直有食避孕藥
Period都準時
多數都有用condom
但有時急起上嚟我會想男朋友唔用condom

言歸正傳
性行為之後需唔需要沖涼?
係咪唔使特登洗?專登用水沖反而唔好?
之後要用護墊避免污糟?

同埋想問下 精液會改變陰道ph值,導致發炎?
定係因人而異?
性行為之前係咪最好沖咗涼先,等男朋友清潔好陰莖,就可以減低陰道發炎機會?

1個讚

Hello~ 性行為後都建議要沖涼同多飲水排尿,咁樣有助沖走外陰同尿道口嘅細菌。沖洗時只需用溫和嘅清水沖洗外陰,切勿灌洗陰道,因為咁樣會影響左陰道嘅生態平衡,反而容易造成細菌感染,而之後如果分泌物較多嘅話都可以使用返護墊,以保持陰部乾爽。

而性行為前雙方都需要清潔性器官,減低細菌感染嘅機會。至於精液雖然同陰道嘅pH值唔同,但係目前並無研究顯示精液接觸到陰道後會增加發炎嘅機會,而且陰道自身係有益菌保持陰道內生態平衡嘅,所以只要保持外陰清潔、避免灌洗陰道,就可以有效預防陰道炎:blush:

精液係咪唔可以用熱水沖?
之前試過體外射精,之後去沖涼
沖完涼發現啲毛有啲白色嘢黐住咗
亦都試過性行為之後我同佢一齊沖涼,我又手多去引佢,然後我哋又做多次:see_no_evil:
最後射咗落地下,用熱水沖,發現地下會黐笠笠

應該要用凍水清洗精液先至啱?

Hello​:ok_woman:t2:首先解釋返精液嘅組成先啦,精液嘅成份有95%都係水,其他就包括精子、脂肪球、蛋白質、礦物質、果糖等。你係沖涼嘅時候發現精液遇到水會產生白色而且癡笠笠嘅情況,咁係因為精液裏面嘅蛋白質遇到熱水產生嘅化學反應,就會令精液變成白色嘅物質,就好似係煲滾嘅熱水入面打一隻雞蛋,蛋白會變成白色一樣,屬於正常情況。
建議可以喺發生性行為之後,先用紙巾清潔同擦乾有精液嘅地方,再用溫水清洗或者沖乾淨~

1個讚