有時問一啲關於性嘅問題
一定會提及當時嘅情況
但係我應該要講到一個咩嘅程度？
點到即止？
定係要講到好仔細so that可以俾糖不甩人員了解到成件事？
但係我又唔知會唔會講得太露骨
Hello
其實冇一個特定嘅標準，最重要就係你覺得提供俾我哋嘅資訊係有助我哋解答到你嘅問題，或者有助我哋為你嘅情況做風險評估。例如當提及一啲意外懷孕/性病嘅問題，我哋就需要大家提供有冇使用安全措施，性器官有冇直接接觸嘅資訊，如果可以提供埋日期就更好啦
又或者如果提及性行為或者身體上嘅變化，我哋就希望大家能夠提供成長嘅時候，有冇啲咩特別嘅事件令到身體有變化，例如日常習慣，青春期嘅轉變，曾經大病一場等。
因為我哋討論區嘅宗旨，都係希望大家可以用一個開明同埋正面嘅態度討論性，並唔係覺得性呢一樣野羞恥同埋污糟，所以係你覺得舒服嘅情況下都可以直接同我哋講你遇到嘅問題，因為越多對件事有關連嘅資訊就越可以令我哋解答到你嘅問題。見到你提及驚自己會講得太露骨，咁可能係講一啲性行為嘅情況，你會考慮需要提供幾多嘅資訊俾我哋？咁呢個時候就好睇你想問嘅問題，去判斷你提供啲咩資訊俾我哋啦～例如一啲性行為過程你覺得疑惑嘅地方可以提及啦，至於一啲同問題本身關連性較少嘅內容，例如身材、性格呢啲就未必需要提及啦～
最後提提你
始終討論區都係一個公眾可以搜尋到嘅地方，所以我哋都唔建議提問嘅時候會涉及一啲個人或者其他人嘅私隱，係唔違反法例嘅情況下，表達自己對事件嘅感受、體會、疑問都可以嘅
1個讚