對異性好好奇

以下內容對女性並無任何惡意

其實佢哋自己唔知嘅咩?

露肩帶其實冇問題,我又唔會話覺得女性一定要著到實一實先係正常
我唔係特登去留意有時真係好明顯,尤其夏天,香港又熱,穿得少啲薄啲都唔出奇

但係前面嗰兩條線,佢哋照鏡睇唔到㗎咩?
係因為佢哋覺得好正常,個個都係咁,所以冇理會?就例如其他女性乳房都有隆起,所以自己心口前面有嘢突出並唔需要覺得自己唔正常

之後就係條褲,有時如果條褲太緊,咁就會導致佢哋做一啲動作,例如踎低嘅時候,條痕真係超明顯

最後係後面
唔止個扣,有時連調較肩帶長度嗰個位,甚至成個輪廓都會好明顯,佢哋都會覺得係好自然嘅情況?

其實著sport bra/bra top係咪就可以解決到?不過sport bra係咪只適合做運動嗰陣先著,如果長期著會對身體唔好?同埋唔一定係bra top嘅,一啲後面冇扣,例如前扣式/側扣式/唔係用鈎而係前面有幾粒鈕嗰啲
我冇特登去研究唔同結構,係有時廣告彈出嚟我先至知,所以好好奇
咁其實bra top同一般後扣式/背扣式有咩唔同?會冇咁舒服?過頭笠嘅會冇咁方便?

不過著咩其實都係個人選擇,又或者有可能佢哋覺得係fashion嘅一種,我真係唔知
我唔係女性,所以我體會唔到,正如我體會唔到有時嚟M嗰陣到底會幾唔舒服

Sorry, new users can only put 1 embedded media items in a post.

其實每個人都有權選擇令到自己舒服、自在嘅衣著。

關於男性、女性嘅衣著,其實好多時候係會受到社會文化同埋規範嘅影響。而一路以來,衣著同埋審美都不停咁轉變緊。例如以前高踭鞋係男人顯示陽剛氣質嘅選擇、穿著蕾絲衣物係男性高貴嘅象徵;女性唔需要穿著bra呢啲內衣等等,而某啲文化中,女性嘅服飾係唔需要遮蓋上半身嘅。逐漸發展去到而家,社會文化會認為女性需要遮蓋乳房、乳頭,但男性唔一定需要。所以呢樣嘢都值得再思考下,究竟係咪一定要遮掩女性某部份嘅身體?

而在延伸去「凝視」(gaze)呢樣嘢。係咪觀看女性嘅身體就等於要投射慾望?女性嘅身體係咪就一定同「性」相關?

至於Bra嘅款式,唔同款式有唔同嘅功能,每人嘅選擇亦唔同。舒適程度、方便程度其實都係因人而異。有啲女仔亦會選擇唔著bra,其實都係個人嘅喜好同選擇。

的確值得思考
咁bra嘅作用都唔止遮蓋嘅
承托應該都好重要?