安全套一問

前幾日(經期第五、六日)同男朋友第一次插入式性行為(冇射到)。抽插期間個套有時候會甩甩地,但男朋友話只係前面儲精囊移咗位,個套有箍住根部。請問咁樣會唔會有precum漏出嘅機會?另外,個套甩嘅原因會唔會係因為男朋友冇反包皮就戴套,定係因為size唔啱(男朋友話有啲緊)?thanks

同埋發現套甩甩地嗰陣男朋友有抽出、整返好先再繼續抽插。事後亦有裝水檢查有冇穿

Hello~ 首先欣賞你地喺性行為期間有使用安全措施,安全套除左可以避孕之外,仲可以預防性病傳染:blush: 而喺事後注水入安全套都係一個有效檢測安全套有無破損嘅方法。至於你提到嘅情況,如果安全套儲精囊嘅位置移位,即係代表安全套唔係完全緊貼陰莖,雖然安全套無鬆脫,但尿道球腺液 (pre-cum/精液都有機會外漏。

至於安全套鬆脫嘅原因,有機會係尺寸唔合適、配戴方法唔正確,或者喺射精後持續抽插。而你提到男朋友喺未反包皮嘅情況下配戴上安全套,其實係唔正確嘅,想了解多少少男朋友配戴安全套時係唔係已經完全勃起?因為如果係嘅話,包皮應該會自動後退至龜頭完全露出。所以一方面唔應該喺未完全勃起嘅情況下配戴安全套,而另一方面如果陰莖勃起後龜頭無完全露出嘅話,就有機會係包皮過長/過緊,建議睇醫生檢查下睇下有無割包皮嘅需要。另外,配戴安全套時記住要先擠出儲精囊嘅空氣再套至陰莖根部,咁就可以避免儲精囊充氣而喺性行為期間因為磨擦導致安全套破裂。

佢當時有完全勃起,但就要自己反包皮。

如果勃起能夠自己反包皮,其實都無咩特別大問題嘅,唔洗擔心先。

至於前面安全套嘅問題,如果個套有箍住根部,基本上都唔洗太擔心嘅,而且你地都有再調整先插入,所以都唔洗擔心住嘅。

如果真係好擔心,可以喺性行為嘅七日後買驗孕棒驗孕,就會得到初步嘅結果;如果想準確啲,就可以喺性行為嘅11日後驗印,個結果都非常可信㗎啦。