事前避孕藥點狀出血

我從上一年11月開始便開始吃21天事前避孕藥(美意避),一直以來都沒有什麼大的副作用。(我每天都準時服用,沒有漏服)這幾天也有少許傷風感冒,所以也有吃感冒必理痛藥。也是有相隔幾個小時才吃避孕藥。
但前天為止,我去洗手間時發現有少少咖啡色的分泌物,今天比前天還多了,今天發現有點狀出血(今包避孕藥還未吃完的, 我還有6粒藥未吃)
1是不是懷孕了?
2懷孕的機會大不大?有咖啡色是不是著床??
3有咖啡色分泌物和點狀出血這樣是不是正常的?會不會影響避孕功效?????
4我要不要換另外一個牌子的避孕藥試一下?
5如果要轉藥的話,我是吃完21天再立即開新一包,還是一樣要等夠7天才能轉新的 ?
我很擔心,謝謝解答:pray:t2::pray:t2::pray:t2:

下腹有時會有少少痛,好似係排卵期痛咁🥲
會唔會係懷孕:pray:t2::pray:t2::pray:t2:

更正返~ 係仲有4日藥未食完

@Coccc

  1. 首先,都會想問返你喺呢段時間有冇進行過性行為。如果係冇的話,一定唔會懷孕。如果有的話,都會想了解返係幾時。 不過以你所講,一直以來都有準時服用,沒有漏服的話,其實21天事前避孕藥係有避孕嘅作用,所以唔需要咁擔心。
  2. 如上,咖啡色其實好可能純粹係流啡, 即係子宮嘅分泌物。以你嘅講法,呢幾日有少許傷風感冒,有食感冒必理痛藥, 有機會可能係因為咁樣而令到你嘅月經提早咗嚟。 另一個可能性係,有時候子宮分泌物都會因為身體狀況有唔同, 而產生改變。 雖然你所講嘅感冒必理痛藥係一般嘅成藥,而成藥其實正常情況底下係唔會影響到你嘅身體太大, 但係唔好忘記你而家嘅身體狀況其實係處於傷風感冒,係比較虛弱㗎。係咁嘅情況,其實你嘅身體亦可能會因為虛弱而有唔同嘅分泌物。 有咖啡色嘅分泌物不代表著床, 如果你係有進行性行為的話,出現點狀出血或者咖啡色嘅分泌物,有機會可能係因為性行為過程當中潤滑劑不足,而導致到過份磨擦子宮內壁受損。 仲有一種可能性係,事前避孕藥其實頭幾個月喺你適應期期間有機會身體會有唔同反應,而點狀出血以及咖啡色分泌物係其中一種,不會影響避孕功效,而且呢個情況喺你穩定地食用事前避孕藥一段時間,大概三至六個月左右,呢啲副作用都會慢慢減少,所以唔需要擔心。
  3. 因為都見到你有講一路以嚟食用呢隻事前避孕藥,其實都冇咩大嘅副作用,如果你真係好擔心的話, 其實可以今日打電話去家計會同家計會嘅醫生去預約返咗一個身體檢查, 然後 跟返你應該仲有四日藥未食完, 食埋去到下星期一面見家計會醫生嘅話就時間啱啱好。根據醫生了解完你嘅身體狀況之後,佢會比出一個更加合適呢身體嘅建議。
  4. 如上,如果要轉讓的話,都希望你搵家計會醫生做咗一個身體檢查先。但係如果因為疫情關係而book唔到醫生的話, 如果好似你所講,你一路以嚟都有準時食用而沒有漏服的話,其實可以食完21日藥之後直接食用28天藥嘅, 不過係咁嘅情況底下,亦都有機會因為轉咗不同嘅事前避孕藥,而導致到你嘅月經週期需要多啲時間去調整,所以我哋都建議你搵咗醫生去做身體檢查之後,聽返醫生嘅建議再做下一步嘅決定。
  5. 下腹痛其實可以係好多原因,有機會係你食用嘅藥物刺激到子宮肌肉,令到佢抽搐;亦有可能係因為你有少少傷風感冒,而令到你對於身體嘅感覺更加敏感,而感受到嘅月經前疼痛; 或者係 因為性行為嘅過程太過激烈而導致到子宮肌肉拉扯…好多其他原因…如果你所講,你有準時服食事前避孕藥,咁懷孕嘅機會率係好低嘅。

唔該哂你先
但今日一起身就發現好似嚟M咁,啲血都多咗好多
但我仲有兩日藥先食完排藥。
其實唔樣算唔算正常?我下次食藥係照舊7日定5日?
Thank you so much

Hello~ 明白黎經嘅情況同過往唔同係會令人有啲擔心,不過就好似 @Gabi_StickyRiceLove 咁講,你近排病過服食過感冒藥依啲情況都有機會影響經期嘅。如果真係好擔心懷孕嘅話,可以喺性行為嘅7日或者11日後進行驗孕,因為驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確,如果結果係陰性就應該係無懷孕啦:smiling_face:

至於開新一盒藥嘅時間方面,就好似 @Gabi_StickyRiceLove 嘅回應咁講