性行為後好擔心好焦慮

Hello

今個月試咗食事前避孕藥Yasmin,上網爬文咗好耐先決定食,今個月月經係13/2黎,咁我就月經黎嘅第一日開始食,每日都固定時間準時食嘅,咁同男朋友就21/2有性行為,食咗避孕藥8日,我哋係有戴套嘅,事前加套咁樣,事後check過套冇穿嘅,其實懷孕風險係咪好微?

因為即使我爬哂文知道應該機會細,但都好擔心好焦慮。🥲

另外,唔知焦慮擔心係咪副作用黎,因為我呢幾日都有啲想嘔嘅感覺,個胃有啲唔舒服,同埋黎m後一直都仲有keep住流啡,係咪正常🥲:pray:t2:

Hello

1.留意到你話你有在月經第一日開始已經開始食避孕藥,一般首次食藥都會建議頭7天如果要發生性行為都需要額外使用安全套去確保藥效係體內穩定建立,你一共食了八天先發生性行為,如果係呢八日之內無出現任何嚴重副作用(例如嘔血、休克等等),加上你每一都有準時食藥,基本上藥效已經會喺體內穩定建立。而且在21號進行性行為期間你男朋友亦有戴安全套,事後亦有檢查過使用過的安全套是沒有爛的,安全性就更加高。係事前避孕藥+安全套嘅雙重保護下,會意外懷孕嘅風險係微乎其微,所以唔需要太擔心。

2.睇到你服用避孕藥後有想嘔嘅感覺、個胃唔舒服、同埋黎m後一直有keep住流啡嘅情況,始終藥物含有人造荷爾蒙,初期服飾係有機會會引起不同嘅副作用嘅,例如腸胃不適、頭痛、不規則陰道出血(流啡)、乳房疼痛等等。通常3-6個月內身體都會適應藥物嘅荷爾蒙,副作用亦會隨之減退,不過適應期嘅長短係因人而異嘅,暫時都唔需要太擔心。如果情況持續或者加劇,甚至出現更加嚴重嘅副作用,咁就要馬上停藥去求醫啦。

另外,其實每個牌子嘅事前避孕藥所含嘅荷爾蒙款式同劑量都唔一樣,而且亦唔係每個人都適合藥物,所以其實都會建議所有人係服食事前避孕藥前要徵詢醫生意見,做好檢查確保身體適合先開始服用。如果你認為呢啲不適感不能接受,其實係可以考慮轉食其他牌子架,有需要可以去家計會診所預約檢查,而且家計會嘅藥物亦會比坊間平。

(Intern同學 Coco Lee)

好啊唔該哂你,問埋如果食完藥之後唔開心或者抑鬱心情嘅話係咪都係藥物嘅副作用?

的確有啲人心情上會有變化嘅,通常都係三個月或者半年內都會消失,不過如果你真係好注重呢樣嘢嘅,你可以考慮去家計會詢問下醫生意見,睇下會唔會開第二隻藥俾你,因為每隻藥嘅份量同成份都唔一樣,而每個人嘅體質又唔太一樣,出現嘅情況都唔一定完全一樣,家計會都會根據你嘅情況去建議返一啲適合你嘅避孕藥嘅。

都提多一句,如果情況比較嚴重嘅話,唔適合食避孕藥嘅話,家計會都會可能建議你用其他嘅避孕方法,所以都唔洗擔心架。

好啊唔該晒你🥲:pray:t2::pray:t2:答得好詳細:sparkles::heartpulse: