我同男朋友一星期大約1-2兩次stage4(多數用手/少數用口) 雖然我自己知咁樣係絕少機會有左但係成日都會左諗右諗 好驚指插個陣會唔小心掂到龜頭上面既分泌物 平時有用app計住幾時黎m 我地排卵日附近(10-15/2)個個星期都有stage4 suppose22/2黎m但係已經延遲左3-4日 想問咁樣係咪好啲懷孕機率？會唔會係因為我太緊張會導致遲黎？定係因為我21/2打左打三針疫苗都會有影響？
唔知係心理作用定係真係有左 我呢幾日都有腰痛 少少頭痛 肚都有脹脹地咁
你好，陰莖性興奮時通常會流出透明黏稠液體（尿道球腺液 Cowper’s fluid/pre-cum），當中有機會含有少量精子。雖然比直接係陰道內射精嘅數量少很多，但如果有直接到陰部，仍然有機會導致懷孕。但如果你哋過程中其實都好少會直接接觸完尿道球腺液就馬上接觸陰道，其實風險都係非常之低嘅。因為精子一旦接觸空氣或者其他物質，又或者用紙巾等等抹過手，基本上都會死亡，就唔會導致懷孕風險。
至於月經嘅問題，雖然你有用apps記錄著，但其實有好多因素都會導致月經出現變化，例如有情緒變化、壓力、生病、服用藥物、生活習慣有改變等等，而你所講嘅打疫苗亦係其中一個有機會會導致月經出現變化嘅因素。再加上你話自己都好緊張，月經因而受到變化都係有機會架。所以有陣時月經嘅日子同Apps預計嘅日子有差距都係好常會發生嘅事，唔需要太擔心。你最後補充嘅近幾日嘅身體狀況，例如：腰痛、少少頭痛、肚都有脹脹地，其實唔一定係懷孕先至有呢症狀㗎，都有機會係準備嚟m前嘅狀況，所以你可以嘗試用一啲外在嘅方法令自己放鬆， 例如：沖熱水涼、飲適當暖水、做適當嘅溫和運動…分分鐘月經就好快到㗎喇~
另一方面，見到你會留意apps內顯示嘅排卵日，但其實除非係醫生嘅指引係每日使用排卵棒測試，再配以基礎體溫法量度體溫嘅變化，先至可以比較準確咁估算到排卵嘅日子。因為一般都要等月經出現後先會知道過去呢個週期係幾長，再去大概計算返排卵嘅日子。所以其實單憑Apps嘅紀律去推算排卵期都係唔準確架。
最後，如果你唔放心嘅話，可以考慮係性行為後120小時內經醫生處方事後丸（透過高劑量的人造荷爾蒙抑制排卵或干擾受精／著床過程）進行緊急避孕。但如果已經超過咗120小時，咁你可以係性行為發生最快7日後使用驗孕棒驗孕，而係11日後或者預計月經嘅日子驗就會得到更佳準確嘅結果。
（Intern同學 Tommy）
唔該曬你吖
可能自己成心掛掛 搞到有壓力咁
我會放鬆心情架啦～