避孕藥問題!好急求救😭

我食開yaz(24粒活性,4位非活性)一年,前幾日早左一日開新一包(本身當日應該食第四粒非活性,但食咗新一包嘅第一粒活性),之後過咗兩三日先發現,冇理到繼續照食。

今日應該食第五粒,但係又記錯咗尋日冇食到(尋日已食第四粒),所以今朝連續食咗第五粒同第六粒(食埋聽日個粒)。我而家應該聽日skip一粒,定係聽日繼續食第七粒(即23天食完24粒活性)?:sob::sob:

咁樣會唔會影響到將來嘅避孕效果:sob::sob:?ps 前幾日都沒有性行為

Hello~ 照你所講嘅情況,你已經持續服食左避孕藥一段時間,而今次係早左開新一盒藥同埋食多左一粒,並無漏服有藥性嘅藥丸,所以係唔會影響到藥效嘅,唔洗太擔心:relaxed: 雖然你食多左一粒藥,但係都建議你聽日照喺原定時間服藥,以免藥效受到影響。

不過因為你早左開新一盒藥同埋食多左一粒,有機會令下次嘅月經比預期提早/延遲,只要無異常不適都唔需要太擔心:blush: 另外,為左減低今次嘅情況再次發生,可以嘗試使用一啲服藥記錄app幫助自己記錄每日嘅服藥情況。