呢個肺炎真係搞到我非常煩惱

我接下來講嘅嘢1999希望大家見諒
話說小弟就聽日生日:tada:咁就緊係想同生邊嘅人啊屋企人一齊過啦

但係好唔好彩女朋友個邊有同事中左咁佢嗰陣已經唔係屋企所以test唔到啦咪唯有返屋企test咯 雖然個一刻我都估可能聽日生日冇乜人可以一齊過(因為我家姐屋企個度都有人中左)

咁都唔緊要啦咪睇下星期六/日咯 隔咁耐都係陰性應該冇事啦 聽日生日咪正係同屋企人過咯

係呢個時候我老母就彈左出黎佢就話
唔好啊千祈唔好上黎啊唔安全啊:rage:你唔好叫人星期六上黎啊 一陣傳染啊

姐係呢個時候我都心諗
大佬啊 你日日落去餐廳食飯 都除口罩啦 仲有呢排你成日去送飯送藥比其他中左嘅人 然後每次出門口都唔做test

姐係你係一個完全唔出門口防疫嘅人呢 我係十分理解同埋都比你說服到我 但係你種種行為真係搞到成件事情好矛盾

我都唔知道可以點樣做喇之後 我真係好多謝大家有睇到呢度 同埋講多次sorry for 1999
只係想係度同大家呻下

Hello

祝你生日快樂先! :partying_face:

明白疫情令到好多安排都變咗,你同身邊嘅人都或多或少受到影響,好多嘢都會不似預期。同埋每日嘅確診個案數字高企,可能都會覺得緊張或者擔憂。都希望你明白你媽媽嘅擔心。而你話媽媽每日生活出街都有感染風險,證明你都會擔心佢呀。 :grimacing:

其實溝通同共識係每種關係中好重要嘅部分。你不妨同屋企人同埋女朋友商量下,點樣安排慶祝生日會令到大家都舒服、安全同埋安心。 :wink:

同埋都要睇返女朋友有冇同感染咗嘅同事有緊密接觸,如果有嘅話,都建議做返自我隔離同埋測試,了解返身體情況。 :relaxed:

而如果女朋友同感染嘅同事冇接觸過,咁可能大家都會少啲擔憂。你可以同媽媽傾下,女朋友並冇接觸過感染者,女朋友做完檢測,結果係陰性,希望可以解除佢嘅擔憂。

又或者,同女朋友傾下,可能需要延遲你哋嘅約會。與其要擔憂感染風險,不如等疫情情況好轉之後再好好慶祝。雖然網上見面未必好似見到真人咁,不過而家視像通訊咁方便,都可以考慮下。 :blush:

呢啲嘢冇話點樣做啱點樣唔啱,係要搵到最適合你、你屋企人、同埋女朋友,令所有人都舒服嘅方法!同佢哋商量下啦。祝你有個美好嘅生日,身體健康。 :sparkling_heart:
(Intern同學:融融)