就嚟19歲
我曾經連續幾日 每日一次
自慰嗰陣都只係feel到一日軟過一日 唔會話有咩特別不適
之後亦都有降低自慰頻率
俾佢有足夠嘅休息
自慰完之後勃起會痛
*唔係指射精之後即刻重新勃起，而係指隔咗一段時間 例如幾個鐘
雖然唔係每次自慰完之後勃起都一定會痛
亦都唔係話好痛
但就硬係有一種唔舒服嘅感覺
係手法問題？
但我又冇用特別大力
hello 你好啊 
。有關於「一日軟過一日」嘅情況，有機會喺自慰啲時候，陰莖習慣高強度嘅刺激，身體會慢慢習慣刺激嘅狀態。呢個情況因為刺激強度維持，又或者更弱嘅話，就會令陰莖充血勃起情況冇咁高。如果想改善呢個情況，都可以按照你依家嘅做法——隔幾日自慰一次，令陰莖可以回復敏感度。又或者可以配合其他性玩具，提升刺激程度，就可以令陰莖充血。 
另外，都想問多少少了解你嘅情況。自慰嘅時候會唔會上下大力拉扯？因為包皮嘅皮膚比較幼嫩同埋比較敏感，所以喺冇加潤滑劑嘅情況下，再磨擦自慰可能令你覺得痛。過度用力拉扯包皮有機會令包皮繫帶受傷。
再者，你自慰嘅時候會唔會習慣使用潤滑劑？因為唔使用嘅話，都會因為自慰都喺比較高強度嘅磨擦而擦損皮膚，從而令到你覺得每次自慰都痛。希望可以解答到你。