兩年前到既我，黎M既日子真係好唔定有時可能30日左右，有時又可以3個月先黎一次（冇吹大），之前選擇左食事前，食左年幾期間每個月都好準時28-29日就黎，到左上個月，想身體休息下，唔想再依賴事前藥，所以停左，又回復返之前咁，佛系等黎M，宜家已經遲左14日都未黎，咁當然都有驗過，上星期驗左冇事，上網睇過壓力飲食都係成因，但係驗完又冇但又未黎又點會真係冇壓力吖，想問下咁多位師姐有冇咩建議。試過按穴位個啲。
22歲，平時都有食2-3餐（外賣多），一直都點幾2點訓，上星期開始逼早訓（12點到，逼自己愈黎愈早訓）），（冇食其他藥）
有咩方法可以谷谷佢 唔該。
你好，先講返月經週期長短嘅問題，每個人嘅體質都唔同，再加上各種嘅因素，就如你所講嘅壓力同飲食方面，月經嘅來臨都會有提早或延遲。但一般黎講，多數人都會係23至35日期間來臨。同埋我都想問一問，因為你都keep住食左年幾嘅時間，停藥之前有冇諮詢過醫生嘅意見？亦留意到你話係呢兩年期間有時試過3個月先黎一次M，停左咁耐嘅時間有冇睇過醫生？
而係停藥後，身體係需要恢復嘅時間，每個人恢復嘅長短都唔一樣，但一般黎講，避孕藥停藥後1至2個月內就會回復自然嘅排卵及月經週期。
所以建議返等緊嘅時候盡量唔好比自己太大壓力，順其自然，keep住做運動同均衡飲食，保持充足睡眠，相信月經就好快黎。
Intern同學（Tommy)