想問下咁嘅懷孕機率

我3月4號經期第一日
然後9號晚男朋友用手指插入我陰道
佢手無掂過精液
但我怕佢掂到啲前列腺液
跟住過陣又插入嚟
同我幫佢含過
請問咁嘅懷孕機率係咪唔大?

Hi,你懷孕嘅風險相對較低,唔需太過擔心。
請問你全程係唔係只進行體外摩擦/非插入式性行為? (即陰莖冇插入陰道)

陰莖性興奮時通常會流出透明黏稠液體(尿道球腺液 Cowper’s fluid/pre-cum),當中其實係有機會含有少量精子。雖然比直接在陰道內射精的數量少很多,但仍然有機會導致懷孕。所以手掂過陰莖然後插入陰道,當中嘅尿道球腺液係有機會導致懷孕。
不過都可以放心,因爲精子嘅存活率係受溫度、濕度、物料、酸鹼度等影響,即暴露係空氣期間可能已經死亡。如果唔係摸完就立即插入,其實當中懷孕嘅風險都相對低嘅。口交其實係冇懷孕風險嘅。

你3月4號係月經第一日,9號係月經第5日,雖然在月經後7日嘅安全期,但亦都一定風險。先講下月經周期,靠自己估算嘅安全期,即係前七後七嘅安全期,其實避孕嘅成效未必顯著,因爲每個人係受各種因素影響月經,例如壓力和睡眠不足等,都會出現月經提早或延遲嘅情況,又或者係月經期間亦有機會出現排卵嘅情況,所以計算一個長期嘅月經週期未必一定準確。

所以建議下次記得性行爲使用安全套,保障雙方安全。同埋我地喺WhatsApp收到同你情況好相似嘅查詢,想提提你如果下次有疑問只需要係一個平台發問就可以啦:blush:

(Intern同學 Tommy)

因為比較心急,所以先至再喺第二個平台搵你地,麻煩到你哋真係唔好意思:pray:亦都多謝你咁有耐心詳細咁答:pray::pray: