食左3個幾月yaz，有時陰道有啲分泌物
好似排卵咁，但食左避孕丸唔係已經唔會排卵？
啲分泌物同排卵cycle差唔多
成日都懷疑自己食避孕丸係咪無效
畢竟粒丸好細，放入口無感，成日驚自己無食到
同埋有時有啲好似鼻涕咁，淡黃色分泌物但係唔痕
好煩惱😮💨
Hello!
一般嚟講食避孕藥頭三至六個月都係適應期嚟，呢段時間月經週期可能都會有所變化，而呢啲變動因人而異，例如生病、食過其他藥物、生活習慣突然改變、會唔會好大壓力、有好大嘅情緒變動等等，都有機會影響月經週期嘅出血量、分泌物、月經前症狀等。而假如你三個月期間冇漏食藥或身體有咩特別狀況，避孕藥效果已經生效，所以你唔使太過擔心。
至於排卵問題，避孕藥嘅原理係抑制卵巢排卵，令子宮內膜產生變化，使受精卵無法著床。所以服用避孕藥期間係唔會有「排卵日」，因此唔會有機會懷孕。
另外，如果你陰道分泌物同平時月經周期嘅分泌物差唔多，而且分泌物呈透明偏奶白色，帶有黏性，好似蛋白嘅狀態，冇異味，就唔使過於擔心。但假如分泌物嘅顏色為黃色、綠色、帶血，而且量變多，並且出現異味同埋痕癢，有可能係因為冇妥善清潔性器官所造成嘅發炎，或者係其他性器官疾病嘅感染。所以我哋都建議要恆常檢查自己身體有冇異常嘅情況，如果有嘅話就要盡快睇醫生。
（intern同學Alan）
謝謝回覆
我嘅分泌物週期同無食避孕丸前差唔多
就係黎完m無乜分泌物 排卵期左右有多分泌物
雖然知道食咗藥係唔會排卵 但係個周期係同排卵期差唔多有少少驚
之後就冇分泌物 嚟M之前又有返
所以成日都懷疑啲藥究竟有冇效🥲
Hello~ 其實只要你有每日按時服藥嘅話，藥效係會正常發揮嘅，唔洗太擔心
至於你提到分泌物嘅問題，雖然避孕藥會抑制排卵，但係因為避孕藥含有人造荷爾蒙，所以都會令分泌物有轉變，而且分泌物出現/有轉變都有好多唔同嘅因素影響嘅，唔只限於排卵。
另外亦都因為避孕藥嘅人造荷爾蒙會令子宮內膜有少量嘅增厚，以令停藥期間子宮內膜剝落而造成撤退性出血，所以身體因應住依個荷爾蒙轉變而分泌物有轉變都係正常嘅，只要分泌物無異味，陰部無痕癢不適嘅話就唔洗擔心啦