前日同男朋友嘗試第一次性行為 因為大家都唔熟識 我幫佢帶安全套果陣調轉左 我係帶左個頭想套落去既時候先發現 跟住我即刻除番出黎 但果陣唔知唔可以調轉帶 我直接反轉幫佢帶番 我事後先知唔可以而家好驚會中招 我應該點做？ 係咪應該即刻去食事後藥？
希望可以幫我解答呢個問題
Hello 好欣賞你哋有共識去使用安全措施！
陰莖喺受到刺激嘅時候會分泌透明嘅尿道球腺液，當中有機會有少量嘅精子。而當你反轉咗安全套，接觸過龜頭，有機會已經接觸咗尿道球腺液，然後再反返嚟用嘅時候，就會有一定嘅懷孕風險。
如果你擔心嘅，你可以考慮喺性行為後72小時／120小時內服用緊急避孕藥，靠緊急避孕藥中高劑量嘅人造荷爾蒙去達致避孕嘅效果。事後丸喺香港係處方藥物，有需要就盡快去家計會診所／母嬰健康院／部分私家診所預約睇醫生食藥。 
如果你衡量完風險，決定唔食藥，而你又擔心嘅，你可以考慮驗孕。驗孕係檢測身體有冇hCG呢種受精卵著床之後身體先會產生嘅荷爾蒙，而卵子受精著床需要大概6－9日時間。所以，性行為7日後驗孕，會得到初步結果；而11日後驗孕，就會得到相對準確嘅結果。你可以計算返日期進行驗孕。 
每次喺性行為嘅全程都正確使用安全套，就可以更加安心啦！關於安全套嘅正確使用方法，可以參考：Login • Instagram
有問題歡迎隨時搵我地！ 