在19/3 晚上約8-9時和男友發生了性行為，因為我是第一次，所以進去的時候因為流血所以一時慌張忘記了戴安全套
但因為很痛+流血，男友只進入了約2-3 cm, 而且過程只有一分鐘就完結了，男友從開始都最後（抽出後）都沒有射精
但由於我正在排卵期，考慮到男性即使未射精也有可能造成懷孕，第二天（20/3）就已經到私家診所叫醫生處方事後避孕藥，即時吃一次，12小時後再服用
但我上網見到如果已排卵，緊急避孕藥的成效好像沒那麼高，今天和昨天都很擔心
有冇人大概會了解呢類情況
感激
好擔心
雖然你同你男朋友今次性行為有懷孕風險，但係因為你喺有效時限內服食左緊急避孕藥，你嘅避孕成效係好高嘅，所以懷孕嘅風險唔大。
所以都建議你同伴侶下一次進行親密行為嘅時候，可以使用阻隔性措施例如安全套，雖然你哋今次性行為期間過程時間好短加上冇即時未射精，但係其實陰莖喺性興𡚒嘅時候，通常會流出透明黏稠液體，即喺俗稱嘅尿道球腺液 pre-cum，當中有機會含有少量精子。 雖然比直接在陰道內射精的數量少好多，但仍然有機會導致懷孕。
的確部份舊款嘅緊急避孕藥只有抑制排卵嘅功用，但係現時大部份醫生處方嘅緊急避孕藥都同時具備抑制排卵同埋干擾受精嘅功用，所以即使係排卵後服用，都唔會減低避孕成效。你亦都有話你第二日已經去咗私家診所叫醫生處方事後避孕藥比你，咁其實醫生開得俾你嘅避孕藥都係覺得你適合服用先會比你食，唔駛太擔心，如果想確認一下嘅話建議打去診所查詢返。
想確保無懷孕嘅話，建議你係性行為發生後7－11日進行驗孕，因為驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確，所以你兩次嘅驗孕都係陰性，就代表係無懷孕架啦
（Intern同學 Coco Lee）
1個讚
我分別喺26/3，同28/3早上驗過孕，都係顯示negative, 但今日29/3發現流啡
我係咪應該喺30/3早上再驗一次呢
因為好驚係著床性出血
hello 你好啊 
。明白你嘅擔心同焦慮 
。著床性出血係指當受精卵着床喺子宮壁嘅時候有機會造成嘅少量出血，通常只會有幾滴或者最多一塊護墊可以承載到嘅血量，而且係一次性，唔會持續地出血幾日，血嘅顏色亦會同月經嘅唔一樣。一般由受精到着床大概係性行為後六至九日就會發生。而着床性出血並唔係一個常見嘅現象，即使真係因為懷孕都係只有少部分女性會出現嘅情況。
見你都有提到26/3同28/03分別驗孕，呢兩個日子已經距離發生性行為已超過一星期。如果兩次都有跟足驗孕棒說明書嘅指示進行驗孕，都可以放心相信驗孕嘅結果 
。 另外，見你提到「流啡」嘅情況，呢個都喺屬於服用緊急避孕藥嘅常見副作用。而經期推遲、血量改變都喺服用緊急避孕藥嘅副作用，可能將來有機會出現以上情況。如果你都仍然好擔心驗孕嘅結果，都建議你可以喺聽日——距離發生性行為後11日驗孕。咁就可以得出更確切肯定嘅結果 
。同時，建議你可以留意出血/流啡嘅情況，如果你真喺好擔心嘅話，都建議你可以搵私家醫生做詳細嘅檢查，進一步了解身體情況。希望可以解答到你。
1個讚
唔該晒你！
我喺琴日朝早(30/3) 有再驗一次，依然係顯示冇懷孕，但係會唔會有機會係因為仲未驗到出黎？
因為我流啡嘅情況同著床性出血真係好似(上網睇）
同埋未黎到月經都令我好擔心
本身預期係29/3
我嘅出血係同經前黎嗰啲好似
有深啡色
琴晚仲有啲血，鮮紅暗紅都有, 而且琴晚下腹位（子宮位置）仲好痛
但我今日仲未黎m
Hello你30號再驗孕結果都係呈陰性(已經係性行為後11日驗孕，結果會較準確)，再加上你已經服用左事後丸，其實意外懷孕嘅機會已經好低，所以可以撇除着床性出血嘅情況～至於仲有留啡嘅狀態，好似上面嘅同事所講，留啡係其中一個服食事後丸之後嘅副作用，而且服食事後丸亦有機會令月經提早或者延遲嚟～
其實有好多因素會影響月經周期，例如情緒壓力，生活作息，飲食習慣，服食藥物等都會令月經周期嘅經前症狀，分泌物，出血量，出血日數產生變化。所以喺撇除咗你意外懷孕嘅機會下，你可以留意多幾日嘅情況，有可能事後丸嘅副作用再加上你為呢件事而擔憂嘅情緒，令到月經延遲啊