我嫖妓有兩次
一次在2月11日,那次開始時她有用濕紙巾幫我抹,但因太敏感抹的過程中射了,我射在陰毛位置,那裏當時有暗瘡,不知有沒有爆,精液有碰到暗瘡,之後她有幫我抹乾淨,抹時手有碰到龜頭,之後她繼續服務,幫我帶套,當時己经只有半勃起,她只有用胸部摩我的胸,沒有插入,之後沒有完全清潔就走了,時後害怕,到了3月4日,過了21天,就去愛滋病基金會測試,抗原和抗體陰性,梅毒也是陰性,問了很多地方也說風險極小到零,不用擔心
之後3月22日今天,我一時沒忍住又去了嫖,是不同人,過程中有套乳交,射在安全套裏,我打算完了,之後這段過程開始混亂,她突然叫我平躺,我以為她是想幫我清理,怎知道她想用胸摩我的胸,我不太記得之後了,我只記得當時我的陰莖半勃起,有露出少少龜頭,我有包皮過長或包莖問題,當時我就說不用繼續,但她很想,過程中我的陰莖不小心碰到她,我不記得當時有沒有套,但我記得之後她有用濕紙巾幫我清理,我亦有用她的浴室用水洗,之後就走了
我現在害怕的是當時無套碰到她的下體,我不太確定,因為接觸時間很短,當時的感覺是像龜頭撞到一些平的東西,會有性病的風險嗎?還有是不是在21天驗抗原抗體陰性己經證明無事了,測試方式是篤手指驗血,應該是p24,現在我打算之後4月中再去測試,還有看有沒有其他症狀再去社會衛生科看
還有想補充我在第一以後心口出汗的位置都有一些紅點像暗瘡,不痕不痛,只有一兩粒,以前未嫖前我都有長一些,但在背部肩部兩邊,心口很少,但第一次後多了,是擔心焦慮或熱引致的嗎?不是性病吧,因為只有這問題,沒有其他明顯症狀
首先想同你解釋返，當高風險體液，例如精液、尿道球腺液、陰道分泌物、腸液同血液，直接接觸到性器官、比較脆弱嘅黏膜組織（例如口腔、肛門、陰道、尿道口），特別係當上面有開放性傷口（正在流血）先會有比較大機會可以造成性病傳播。你所講嘅性行為，如果冇插入式，只係身體接觸，本身係好低風險嘅。但係如果你唔清楚你有冇喺冇使用安全套嘅情況下接觸到對方嘅陰道，如果你擔心嘅，都可以進行性病測試。 
其實如果你有性經驗嘅，都會建議要定期去做測試。HIV病毒嘅測試其實有唔同種類，例如抗體測試同抗原測試，每間機構提供嘅測試種類都可能唔同，所要求嘅「空窗期」亦都唔同。愛滋病基金會嘅快速測試（篤手指驗血，通常需要3個月空窗期，亦可以性行為一個月之後做測試，再加性行為三個月後進行跟進測試）根據網站資料，為抗體測試（愛滋病護助熱線及抗體測試 – Hong Kong AIDS Foundation ）。所以你要詢問清楚你做嘅HIV、梅毒測試係需要幾耐空窗期。而除咗HIV同梅毒之外，仲有其他種類嘅性病，例如淋病、衣原體等等。如果你擔心嘅，都可以進行全面的嘅性病檢查。
社會衛生科對合資格人士提供免費嘅測試同跟進，不過通常要等性行為後3個月「空窗期」後先會有相對準確嘅結果。而且疫情期間服務時間／限度可能有調整，建議你有需要可以提前打電話問清楚（衞生署-診所及健康中心一覽表-提供社會衞生科(男性)服務的診所 ）。而一啲私家診所會提供「空窗期」較短，較快出化驗報告嘅測試，你可以根據需要去了解下。
不過要提返你，因為唔同性病都有各自嘅「空窗期」同「潛伏期」，亦有好多性病係感染後係毫無病徵。即使測試結果真係陽性，都唔代表係因為今次嘅性接觸導致感染。但現時醫學昌明，大部分性病都可以透過藥物或者治療完全治癒，其他亦可以透過藥物去控制，並唔會對日常生活構成重大影響。 
你有呢啲擔心可能係因為受到社會文化中對於性工作者嘅歧視同污名化影響，將性工作者同「性病」／「污糟」呢啲負面標籤連結。但性工作者為咗工作同自己嘅身體健康，會更加注意安全，會主動要求要使用安全措施，亦會恆常地進行測試。反而係好多時候客人唔肯戴套，甚至喺性行為過程中除套，而令性工作者面對好高嘅風險。會唔會感染性病其實同性行為對象無關係，有好多人都係同自己嘅親密伴侶發生完性行為之後發現感染性病。會唔會導致性病傳播首先取決於你或者對象本身有冇受感染，其次係當你哋發生性行為嘅時候有冇正確地使用安全措施。如果有正確使用安全措施的話，即使你同感染者發生性行為，會導致傳播嘅風險都係非常之低。
最後想你知道，如果想更加安全，除咗性行為全程正確使用安全套之外，亦可以考慮唔係發生插入式性行為嘅情況下，都使用安全套，或者口交套呢啲阻隔式嘅安全措施（關於口交套嘅資訊，可以參考：Login • Instagram ）。喺性行為、性接觸期間使用安全措施，保護自己同性伴侶，其實係每人嘅責任。而且，每一次性接觸，「共識」都係好重要嘅，你都有提及你有表示唔想但係對方繼續，其實你有責任明確咁拒絕，或者制止對方繼續嘅行為，雙方達成共識先可以進行下一步行為。除咗性接觸／性行為之外，用唔用、用邊種安全措施亦需要共識，你有講唔清楚自己究竟有冇戴套，其實你都有需要清楚咁了解自己喺性行為過程中有冇使用安全措施。希望你知道咗呢啲資訊之後，下次會更加安全安心咁享受性行為。 
而關於包皮過長或包莖問題，建議你都可以諮詢醫生意見，睇下需唔需要進行手術。有包皮過長或包莖問題會比較難做好日常清潔，因此會增加因為清潔不足而造成發炎／感染嘅風險。亦有機會造成性行為期間不適。你可以考慮盡快去預約睇醫生。 
最後關於身體皮膚問題，根據你所講嘅資料咁睇，應該唔係性病症狀。可能係因為出汗／出油脂而產生嘅。如果你擔心嘅，都可以考慮搵醫生檢查下令你安心啲。