想問一下谷M既胸痛普遍幾時會消失？
因為今日第二日嚟m
胸痛嘅感覺都係冇消失到
一般月經嚟前3~5天內會開始谷同痛，而普遍會喺嚟完月經後約5天消失。
原因係因為月經前嘅荷爾蒙轉變有機會導致胸部脹痛。月經前卵巢分泌雌激素，排卵後又分泌黃體素，導致胸痛。如果已經出現咗月經，而且同以往月經嘅情況無太大差別，都係有持續幾日的話，基本上已經可以排除懷孕嘅可能性啦。但係如果胸痛嘅情況持續出現，都可以自己進行一啲簡單嘅乳房檢查，亦要考慮盡快去求醫啦，有可能係乳線發炎，或者係乳房有結塊等等。
（Intern同學 Coco Lee）
係咪姐係月經期間個胸未消漲同仲有痛都係正常架？
1個讚
正如上面所講，月經期間嘅荷爾蒙轉變有機會導致胸部脹痛，呢啲都係屬於正常情況，可以放心。你都可以觀察多幾日，睇下情況如何，如果胸痛嘅情況好嚴重，又或者月經完結後都繼續有胸痛症狀，就記得睇醫生啦。
（Intern同學 Tommy）