女朋友黎M

我同女朋友23/2進行左性行為,佢食左避孕藥同我戴左安全套。咁佢3月份都有黎過M,但冇啦啦佢個胸部大左,過左青春期都變大左,同埋佢3月頭都keep住易暈易頭痛,佢係做廚嘅。其實佢黎左m係咪等於冇懷孕架喇,我見網上面仲有啲話會懷孕黎少少血定M。

Helloo

你講得好啱呀:raised_hands:t6::raised_hands:t6: 嚟咗M其實即係代表卵子冇受精,因此23/2嗰次性行為係冇懷孕風險喺度嘅,再加上女朋友都有食避孕藥同埋用安全套,呢度係都唔使太擔心:)
如果想知有冇懷孕嘅話,往後嘅性行為都可以定期驗孕。一般受精卵著床需要6-9日,所以性行為最快7日後驗已經可以有初步結果啦~而性行為11日後驗孕,已經可以話係準確&可靠。呢度補充多少少先,驗孕主要係檢驗尿液入面嘅hCG(卵子受精着床後身體會產生嘅荷爾蒙)水平。而坊間嘅驗孕棒準確度都好高,只要跟返驗孕棒相應嘅指示操作,喺有效時間內閱讀結果- 通常喺5至10分鐘內(以說明書所述嘅時間為準)- 基本上都唔會有大問題。

另外女性除咗青春期有機會出現胸部變大嘅情況之外,懷孕、肥胖亦有機會導致呢個情況。不過所謂懷孕嘅先兆其實只係用作參考,因為都有可能係關血液循環同埋身體健康事,同埋我都見你有提及女朋友最近都keep住易暈易頭痛,呢度都有可能同壓力/近期發生過嘅事有關呀,如果可以嘅話都建議女朋友搵醫生檢查一下,睇下會唔會係身體出現咗啲狀況,希望佢快啲好返啦:four_leaf_clover::four_leaf_clover:

最後,「我見網上面仲有啲話會懷孕黎少少血定M」,呢個其實係講緊 着床性出血(俗稱「假M」),意思係受精卵着床喺子宮壁時時有機會造成少量出血。通常剩係得幾滴,又或者係一張護墊可以承載嘅血量,而且係一次性唔會連續幾日咁出現,血色同普通月經都唔一樣(會偏啡色),一般受精去到着床講緊性行為後6-9日,而呢一個現象亦並非常見,只有少量女性會出現。如果出血嘅日子距離性行為已經超過九日,顏色同平時月經差唔多&keep住咁出血,基本上就可以排除着床性出血嘅可能性啦。