如題，前戲嗰陣，我著住底褲但係都分泌左唔少前列線液。之後女朋友掂到我條底褲，佢話feel 到隻手濕濕地。
我戴完安全套之後，佢將我既陰莖放到佢陰道入面，我驚佢隻手掂到我d 前列線液後再掂到安全套會意外地透過安全套既表面運送左d 精子入陰道。
我知咁諗好似諗多左，我地一路都有做安全性行為，每次前戲我都避免佢直接/間接掂到我陰莖，戴完套先插就最安全，但今次發生左呢件事，所以想問下會唔會大機會意外懷孕。。。
謝謝糖不甩人員
Hello
呢度補充多少少先，隔住底褲分泌嗰啲應該係尿道球腺液（precum）而唔係 前列腺液。（尿道球腺液：男性喺性行為時因為性興奮而有機會分泌出透明黏稠狀嘅液體，當中都有存在精子；前列腺液：白色黏稠狀，當中含有精子。）
雖然尿道球腺液含有精子，但如果唔近陰部嘅話都可以放心，因為精子需要精液嘅存在先可以生存到，當佢接觸空氣/衣物（eg.隔住底褲）會蒸發，精子亦都會因此死亡，所以係風險好低好低好低嘅。如果真係好擔心嘅話呢度都建議無論咩形式嘅性行為都可以考慮使用安全套多一份安心
另外想問下你哋係幾時發生性行為嘅？如果時限未到，而你地又真係非常擔心嘅話其實都可以考慮食事後丸。事後丸可以喺家計會丶母嬰健康院丶婦女健康中心丶婦科診所等等取得，俾個網址你參考下呀:) btw因為疫情影響可能都要留意吓診所開放時間
而事後丸有分兩隻嘅： 一隻係屬於單一荷爾蒙（72小時之內食），另一隻係黃體激素受體劑（性交後120小時之內食）。
性交後72小時內食嗰隻事後丸屬於單一荷爾蒙系列。理論上食咗已經會開始有藥性，完美使用嘅話成效都有成97-99%（期間冇因為嘔吐副作用而將藥物排出），不過都食完事後丸有機會有唔同嘅副作用，例如係頭暈丶噁心丶疲倦丶經痛等等… 甚至影響下一次月經嘅日子同埋血量，而服用呢種事後藥之後，可以繼續服用你本身食緊嘅避孕藥，但越遲食會越影響藥效；而120小時嗰隻就唔會，不過服用呢種事後藥後，同一個月經週期就唔可以再食避孕藥啦。
不過唔係每間診所都會提供兩種類型嘅藥，可以喺預約嘅時候問吓診所會有邊種藥提供到，從而按照自己需要選擇：）
呢個係關於事後丸嘅額外資訊：
最後，一般受精卵著床需要6-9日，所以性行為最快7日後驗已經可以有初步結果啦，而性行為11日後驗孕，已經可以話係準確&可靠。呢度補充多少少先，驗孕主要係檢驗尿液入面嘅hCG(卵子受精着床後身體會產生嘅荷爾蒙)水平。而坊間嘅驗孕棒準確度都好高，只要跟返驗孕棒相應嘅指示操作，喺有效時間內閱讀結果- 通常喺5至10分鐘內（以說明書所述嘅時間為準）- 基本上都唔會有大問題。因此你可以選擇喺性行為後嘅第7日初步驗孕，再喺第11日confirm，如果結果係陰性嘅話就可以放心啦係冇懷孕嘅
「如果真係好擔心嘅話呢度都建議無論咩形式嘅性行為都可以考慮使用安全套多一份安心
另外想問下你哋係幾時發生性行為嘅？如果時限未到，而你地又真係非常擔心嘅話其實都可以考慮食事後丸。事後丸可以喺家計會丶母嬰健康院丶婦女健康中心丶婦科診所等等取得，俾個網址你參考下呀:) btw因為疫情影響可能都要留意吓診所開放時間」
Quote 返呢句先，其實我係有用安全套，隔住底褲玩前戲時女朋友掂到我條底褲令到佢隻手濕濕地，佢放我戴左安全套既陰莖放入佢陰道。我驚d precum會透過佢隻手掂到安全套既表面再進入陰道….
呢個係我主要concern謝謝
按照你嘅情況，你伴侶懷孕嘅風險係比較低嘅，因為精子嘅存活率係受溫度、濕度、物料、酸鹼度等影響，即暴露係空氣期間可能已經死亡，同埋隔住底褲會令啲精子被蒸發，如果唔係掂完就即刻插入，例如掂完啲pre cum一陣之後先插入，咁懷孕風險就會相對低嘅。所以綜合上述情況，你都可以唔駛太過擔心。
如果真係非常不放心嘅話，正如上面所講嘅方法，經醫生處方食翻事後丸作緊急避孕，不過要留意上面提及嘅使用時間，發生性行為後72小時或120小時兩款避孕藥。又或者正如Andy所講進行驗孕：
「一般受精卵著床需要6-9日，所以性行為最快7日後驗已經可以有初步結果啦，而性行為11日後驗孕，已經可以話係準確&可靠。呢度補充多少少先，驗孕主要係檢驗尿液入面嘅hCG(卵子受精着床後身體會產生嘅荷爾蒙)水平。而坊間嘅驗孕棒準確度都好高，只要跟返驗孕棒相應嘅指示操作，喺有效時間內閱讀結果- 通常喺5至10分鐘內（以說明書所述嘅時間為準）- 基本上都唔會有大問題。因此你可以選擇喺性行為後嘅第7日初步驗孕，再喺第11日confirm，如果結果係陰性嘅話就可以放心啦係冇懷孕嘅」
（Intern同學 Tommy）