離離合合,他最後都說了分手,他會後悔嗎?

我和前男友拍了4年拖,半同居了一年半。

二月中時,我有認識的人瞞著女朋友上一樓一,我好奇之下,問前度將來會不會這樣對我,夠不夠定力?

他說不能確保,但會盡力控制。我一怒之下,跟他分手。我一日後主動跟他復合,說我問這些無幫助感情的問題不對,太執著。

我們之後一起了。

———————————————————————-

這件事一星期後至這個月,他跟我說了幾次分手。原因是覺得自己未定性,將來會出軌。但之後都復合了。

其中一次,說我是她的初戀,沒有見識過其他,所以肯定未定性。

今次第4次,他說暫時分手,還提議做朋友。

————————————————————————

我星期五晚在自己家睡。

星期六他上班。我到我們半同居的家,發現枱上有包書布手工的單據。但包書布被拿走了,又他找過紙袋的痕跡。

一會兒後,他突然打電話約我今晚去海傍。我以為送給我。誰知他兩手空空!

我追問下,得知原來他在我二月中說分手當天,因為不開心,加上這4年都有點價值觀他覺得磨合不了,上網識了新女仔。明明我們一日就復合,這麼快識到新女仔。

我問他,他答見過她的真人,更發生了性關係三次(不是在我們的家,他們訂房)。我問他喜不喜歡那個女仔。他說有少少鍾意個女仔。

但得知新女仔一拖幾(sp),還知我前度當時有我這個女朋友都照上床。前度覺得她不是好人,於是決定斷絕來往,昨晚送用包書布包住的畫簿給她。為何要送?因這些畫是關於她,前度不想見到那些畫,覺得不需要再畫,想斷絕來往。

我問會否再見那個女孩,他說不知道。

++++++++++++++++++++++++++++++++++

佢說還愛我,但變了家人的愛。

畢竟我們真心相愛過四年,他不想我在他生命中消失,所以主動跟我做朋友,我應承了。加上我是他初戀,所以不能忘掉我。

+++++++++++++++++++++++++++++++

原來他這個月不停講分手又復合,是內疚自己識了新女仔,覺得自己好衰,我又對他好好,不想再拖住我。他說不會同那女仔一起,因為她不是好人。

++++++++++++++++++++++++++++++++

昨天他從我們半同居的家拿我今日上班的文件給我,在地鐵站交收。

他坦言不習慣一個人,因為平時我們一起周圍逛。他還說現在行屍走肉。又說剛才午餐飲凍檸水走甜,跟了我口味。

我聽完覺得他好像有點後悔跟我分開。

——————————————————————

我會給自己一個時間。如果他回來我身邊,

要看看到時我放得下他未。如果未放低,又選擇原諒,就可以復合。

不過我不會刻意等,我會尋找新戀情,看看外面的世界。

我常常想明明上一刻還很愛,為什麼一下子就不愛了。

突然知道他將來會拖著另一個女仔隻手、錫她、親密行為,以前對我做過的行為對另一個女仔做,我很難受。

Hello
多謝你咁信任我哋,同我哋分享咁多! :sparkling_heart:

想你明白,感情關係其實好難分對錯,而係睇雙方嘅相處。一段健康關係嘅雙方應該係平等、互相理解同支持嘅。要達到呢樣嘢,需要好多坦承嘅溝通、尊重、同埋共識。

但係而家你哋已經分咗手,都想你明白,去諗「他會後悔嗎?」呢個問題其實都未必對你哋嘅關係有咩幫助。
不妨你都俾時間自己去思考下,你仲想唔想同佢繼續一段親密關係?如果想嘅話,你會想俾幾耐嘅期限自己?對方想唔想同你一齊返?你會唔會想同對方平心靜氣咁傾下,你哋對你哋之間嘅關係有啲咩期望同理解?如果你哋之間嘅諗法唔同,你哋會想點樣解決?
呢啲問題可能都需要一段時間俾自己冷靜落嚟去慢慢疏離,不妨俾個限期自己,但又唔需要俾到壓力自己,好好思考下,睇下你自己想要啲乜嘢。 :blush:

而如果你唔想同佢繼續,咁都可以俾少少時間自己,放低佢。然後開展你嘅新生活。你覺得「突然知道他將來會拖著另一個女仔隻手、錫她、親密行為,以前對我做過的行為對另一個女仔做,我很難受」可能係因為你未放得低佢,先會有呢種感覺。但你都可以諗吓,如果將來你有新嘅伴侶,你會唔會希望對方介意你曾經同其他人有親密嘅行為?

明白你而家有好多情緒,畢竟你哋之間幾年嘅關係,當中一定有啲令你難忘嘅美好經歷。但係有時感情並唔可以強求,可能此時此刻你哋未必係最適合嘅伴侶;又或者經過一輪溝通之後你哋對呢段關係有新嘅理解同新嘅相處方式,令到你哋雙方都舒服。無論結果係點樣,要記得,唔需要強求自己或者對方一定要點樣。 :relaxed: