我第一次食避孕藥, 食左10日, 但唔知點解今日有血絲應該係月經.
但我食避孕藥既原因就係想延遲月經, 但點解keep住食都有月經同谷M感覺?thx
你好，想問下你係開始服用避孕藥之前，有無到家計會或者婦科診所諮詢醫生嘅建議？因為每個牌子嘅避孕藥內含有嘅荷爾蒙類型同埋劑量都會有唔同，有機會某部分避孕藥唔適合你嘅體質。特別係你想利用藥物去推遲月經日子，通常嘅做法都係繼續要一直服食含藥性嘅藥丸直到理想嚟月經嘅日子先停藥，等月經出現。不過，其實視乎你想將月經日子比起一般預計會嚟嘅日子推遲幾多，服食嘅方法都會有所不同。所以係服食前都建議徵詢醫生嘅意見，搵一個最適合嘅牌子同服食方法。
第一次服用避孕藥嘅話，一般都會建議月經頭五日期間就開始服用，因為係最容易調節到月經週期同適應藥效。而係服用避孕藥的最初數月，有機會會出現各種副作用，例如頭痛、作嘔、胸漲、胸悶同埋陰道會出現非經期的點滴或短暫出血，類似你現時所見到嘅血絲，其實無需擔心，或自行停藥，呢啲都係服藥初期嘅正常反應，就唔係月經黎。當你嘅身體渡過適應期(一般約在三個月/3個週期後)，呢啲副作用一般都會消失。所以現時你所感受到嘅主要都係來自藥物嘅副作用，唔需要太擔心。
如果你食藥前冇徵詢過醫生嘅意見，或者唔清楚推遲月經日子嘅服食方法，可以考慮帶同你食緊嘅避孕藥去家計會診所、婦科診所或者其他普通門診見醫生了解多啲。
（Intern同學 Tommy）
你好, 我並沒有睇醫生, 因為只係打算食一盒所以自己買了Microgynon 30食 。
我係大約黎M前一星期才開始食的。
另外我想問你話血絲是副作用並不是月經但點解我會feel到M痛同埋個肚好似谷着血咁。
同埋琴日係血絲, 今日係啡色㗎, 會唔會有影響, 副作用幾時會完？.
Thanks 
我自己都係食呢隻，其實佢說明書有講到係月經來潮第一日先食，意思啫係你已經食錯咗，最好都係搵醫生問下
另外呢隻藥頭一兩個月係會點狀出血/流啡，說明書其實都有講，其他副作用都可以參考返說明書
吓 但我睇說明書見唔到佢咁寫
「如何開始服用 Microgynon 30
如果您是第一次服用或
是在暫停一段期間後重
新開始服用
-需在來月經的第一天開始服用。 您也可以在月經週期的第2到
第5天才開始服用這藥物。
-在服用 Microgynon 30 的首7天，您需要使用保險套等避孕措
施。
藥物可能引起嘔吐，胸部痛，胃脹風，情緒變化，頭痛，非經期陰道輕微出血，月經
延遲或月經不規律。 這些副作用通常不需要治療，在 2-3 個月後會自然好轉。」
For your reference
有任何疑問建議最好都係搵返醫生，因為藥呢啲都係專業人士先可以好清晰解答到你
家計會/私家醫生正常都可以解答到你食藥嘅問題
明白, thank you
正如上面所講，服用避孕藥初期常見嘅副作用包括陰道會出現非經期的點狀出血/流啡，至於你講嘅feel到M痛同埋個肚好似谷着血咁，都唔排除係你身體暫時未完全適應到呢款牌子嘅避孕藥所帶嘅副作用，再加上你唔係按指示係月經週期嘅頭五日內服用，身體未能調節及適應，有少少唔舒服都係屬於正常情況，冇需過於擔心。
至於副作用一般約在三個月/3個週期後)，呢啲副作用都會消失。如果副作用令到你好唔舒服，就可能代表你係唔太適合食呢款牌子嘅避孕藥，咁就要考慮下諮詢醫生嘅意見，有冇需要轉其他牌子嘅避孕藥。如果有任何疑問，記得帶同你食緊嘅避孕藥去家計會診所、婦科診所或者其他普通門診見醫生了解多啲。
（Intern同學 Tommy）
明白了, 謝謝你的回覆