請問可唔可以解答下分泌物問題

你好 呢半年一直比分泌物問題困擾
某想問下月經與月經間有時會有一些啡色分泌物 (以前青春期大壓都試過 通常一兩個月 之後就會正常返)

由上年十一月因為壓力大 又有呢個狀況 但唔知關唔關今年一月開始有第一次性行為事
暫時每個月一次 每次完左都有血 想問係唔係正常?第一次係返到屋企分泌物有鮮色血絲 第二係完事後condom上有鮮色血 第三次甚至有血滴落黎 都滴左十滴 第四次係condom上有少少少少血 返到屋企分泌物有啡色分泌物

每次次做完之後都好驚 好驚有婦科病。想問下有咩情況會導致 “流啡” 呢種現象?我見有d 人就黎m 都會咁?所以係一唔係唔洗太擔心?

二月中去過睇家計會醫生 話我分泌物較多 所以幫我驗左陰道炎同念珠 就冇事既 佢亦都有想幫我轉介做超聲波檢查 當時因經濟因素 所以選擇左排政府 點知要成年 :cry:

如果我衣加想照係唔係又要睇多次家計會?定自己去搵醫生?但我又唔知可以點搵個好既醫生

Hello~大多數情況來講,啡色的分泌物的顏色類似朱古力奶。如果肯定唔係黎月經,但有帶血嘅分泌物,這可能係因為經期沒有排乾淨,所以隨著陰道分泌物流出,形成啡色嘅分泌物。不過如果呢種陰道分泌物持續出現,就有機會是子宮頸癌、子宮癌、陰道腫瘤等等嘅先兆,建議盡快去檢查下。

好多女仔性交之後,都會發生陰道出血的現象,其實呢個情況好普遍,大多數嘅成因都好容易解決。而初次性行為同之後嘅幾次性交,亦可能因為處女膜破裂或傷口尚未完全癒合,導致再次性行為時引發出血的現象。另外,性交過程中用力過猛、動作過大、情趣用品使用不當等,也會造成陰道撕裂傷,增加出血的風險。只要減低性交嘅頻率,俾時間傷口癒合,使用潤滑劑,減少摩擦力,就可以避免下次出血。

暫時來講頭四次性交之後有出血都係屬於可接受嘅範圍,唔需要太過擔心嘅。不過如果持續出血,最好都係睇醫生確定原因,因為仍然有少數出血係癌症所致。其中最讓人擔心的就係子宮頸癌同子宮內膜癌,可以去醫院做常規的婦科檢查或者陰道鏡檢查,如果唔想排期可以使用急症室服務,或者搵私家婦科查詢,照超聲波觀察子宮內壁。

至於家計會嘅服務,佢哋有提供到子宮頸檢查嘅服務,包括詢問病歷、體格檢查(量度血壓、脈搏、體重、身高;檢查甲狀腺、腹部、乳房、盆腔和聽診心肺)、尿液化驗(尿糖、尿蛋白)、子宮頸細胞檢驗(如適用)及指導「自我乳房檢查」方法 ,費用為$565 (包括子宮頸細胞檢驗) / $280 (不包括子宮頸細胞檢驗)。但醫生評估,覆診,同其他項目例如盆腔超聲波嘅檢查都要額外收費,詳情你可以留意番以下網站,或者致電俾家計會嘅姑娘詢問~

希望以上嘅資訊幫到你!