避孕藥需要帶套嗎

本人在這一個月開始服用避孕藥,還有兩天就開第二盒,想知道服用避孕藥的時候進行性行為還需要帶套嗎?危險期的時候帶套會較好嗎?安全期的時候不帶也可以嗎?TT 和男朋友進行性行為時固然會每天服用避孕藥,但不會帶套也不會內射,其實這樣懷孕風險高嗎🥲求解答

食藥應該吾會有bb。但係吾戴套就算吾射,都會有風險,D精都有機會入去

你好,一般而言,我哋都會建議第一次服食避孕藥後七天都使用安全套以確保避孕效果,但留意到你已經服食完一個月嘅劑量,代表身體內已經建立穩定嘅藥效。如果每日係按時服藥,冇漏食、食完短時間内嘔吐或者有嚴重肚瀉嘅話,避孕成功率有99.7%,所以唔配合其他安全措施一齊用,又或者係你所講嘅危險期進行性行為,懷孕風險都係好低嘅。但係都想提返你,避孕藥唔可以防止性病傳播或者其他感染(例如念珠菌等細菌感染),如果你想更加安全嘅話,你都可以配合安全套一齊使用。

係呢到補充少少資訊,口服避孕藥透過人造荷爾蒙抑制卵巢排卵,令子宮內膜產生變化,使受精卵無法著床,同埋增加子宮頸分泌物嘅黏稠度,令精子難於穿過黏液,進入子宮腔內。
所以即使射精入陰道,懷孕風險都好低嘅。

(Intern同學 Tommy)