3月19，20日有性行為。預計3月21黎M，但到依家差唔多兩個禮拜都未黎，過往都有試過遲機。3月26買左驗孕棒，冇中。今日4月2號驗第二次都係冇中。想問下仲會唔會有懷孕嘅可能？
Hello
想問多少少關於3月19，20日性行為嘅details啊，想問下期間有冇使用安全套？性器官有冇直接接觸？
另外都見到你提及有進行驗孕，呢度補充多少少先，驗孕主要係檢驗尿液入面嘅hCG(卵子受精着床後身體會產生嘅荷爾蒙)水平。一般受精卵著床需要6-9日，所以性行為最快7日後驗已經可以有初步結果啦～而性行為11日後驗孕，已經可以話係準確同可靠。你第二次驗孕係喺發生性行為後11日，所以如果你有照住說明書準確地使用驗孕棒，結果係較為準確同可靠，所以你可以相信結果，唔需要太擔心～
而且，其實有好多原因影響月經周期，例如飲食習慣，生活作息，情緒壓力，最近有冇服食藥物等，都會影響月經周期提早或者延遲嚟，出血日數，出血量，分泌物，經前症狀等。所以如果驗孕棒嘅結果顯示係陰性，咁可以留意多幾日，等待月經嘅來臨
有啊，全程都有戴套
咁如果有檢查過安全套冇任何穿窿嘅情況，都可以避免意外懷孕嘅機會，再加上你有陰性嘅驗孕結果，所以都唔需要太擔心