懷孕嘅機率

上個月有開始食避孕藥
然後到要開新一包藥嘅嗰日發生咗性行為(day 8)
嗰日喺發生性行為前約半個鐘都有開新一包藥嚟食(因為本身都係呢個鐘數食)
性行為期間都有用安全套
想問咁樣嘅話懷孕機率會有幾大?
另外想問食藥時間如果相差幾個鐘會唔會影響到藥效?
有時可能想早少少或者遲少少食都會怕有影響:pensive:
Thanks!

hello,首先,如果你食避孕藥已經有一個月,如果期間沒有嘔吐,漏服的情況就唔會影響藥效,而係性行爲時候有正確使用安全套懷孕的機會已經好低。至於需唔需要每日係同一個時間食,一般來說每天都有服用避孕藥物,避孕效果可以維持,但如果兩天之間的間隔超過36小時,依照每個人體質不同,可能有影響效果的風險,還是建議應該每天定時服用最佳。如果避孕藥對你的個人體質有不良反應,我建議你可以向醫生咨詢意見,等醫生依照你身體去開一隻適合你的避孕藥。

(intern 同學 Marco)

1個讚

hello,首先,如果你食避孕藥已經有一個月,如果期間沒有嘔吐,漏服,同埋身體都冇任何不良反應,基本上藥效已經會喺身體入面發揮,再加上係性行爲時候有正確使用安全套,所以即使你喺發生性行為前半個鐘開新嘅一盒藥,其實都唔會影響藥效,懷孕嘅機會都好低,所以唔需要太擔心。至於需唔需要每日係同一個時間食,其實早少少或者遲少少食都唔會有太大嘅影響,因為服食左一個月之後身體已經適應咗藥效。但如果兩天之間的服食時間隔超過36小時,依照每個人體質不同,可能有影響效果的風險,因為一般漏食藥嘅補食時間都係24個鐘內,所以都建議你可以較一個鬧鐘,咁就可以避免漏食藥嘅情況,而且每日喺同一個時間食藥,咁就得,確保避孕藥效。

(intern 同學 Marco)

1個讚

意思啫係第一包藥嘅藥效依然會喺停藥7日後發揮作用?
因為咁啱嗰日要開新一包藥所以都有啲擔心

冇錯呀,如果每日都固定時間食藥,亦冇漏食藥嘅情況,即使係停藥期間發生性行為都唔會影響藥效~