話說我partner 就之前中左梅毒，佢一直都唔知，咁我隔咗90日再都check過就冇染上。佢得知染上梅毒後，大家都停止發生性行為，同埋佢已經打左兩次針，不過我想之後要隔幾耐先可以發生性行為？如果用套只係互相手交，唔錫，中既機率會有機大？
聽講梅毒傳染性好強，所以其實係有啲擔心，但我地兩個都有性既需要。
FYI ,我同我partner 都係同性
Sorry,唔係手交，係用套互相打飛機中既機率幾高？
另外如果互相攬住會唔會中梅毒？sorry比較多問題
Helloo
多謝你願意信任我哋同我哋分享你嘅擔憂呀，同時我都好欣賞你面對困難嘅時候會嘗試搵辦法同伴侶取得共識:)
呢度補充多少少梅毒嘅資訊先，其實佢係屬於細菌型感染疾病。細菌型嘅特點係能夠透過藥物治療達致完全痊癒。即使感染梅毒的話只要及早接受治療，其實係係能夠完全治癒嘅，因此佢亦唔會好似病毒型咁（例如HIV病毒等）需要透過持續服藥去抑制體內嘅病毒量。
但由於梅毒嘅潛伏期可以係性接觸之後嘅90日，部份人有機會毫無症狀，因此暫時建議避免發生性行為先，即使真係發生性行為都好，都建議配合安全套有更高嘅保障，另外如果暫時都未有出現病徵都有機會係假陽性結果。無論你之後係喺社會衛生科/私家診所／化驗所做測試都好，都鼓勵你向醫生了解多啲自己嘅情況&測試方面嘅資訊。一嚟醫生有責任同你解釋清楚有關性病、空窗期、測試嘅資訊，例如問醫生用緊邊一套測試工具、呢套測試工具嘅空窗期係幾耐、幾時做測試嘅結果會係最準確等，都可以保障多D自己，同埋掌握自己嘅狀況。
如果之後check完顯示有感染的話，只要按照醫生指示接受治療，一般接受治療之後，只要2-3年內定期抽血覆檢，確保檢驗結果都係陰性，就可以確認為完全治癒 
而當接受治療後，血清檢驗結果都係呈陰性嗰陣， 就代表體內已經再無梅毒嘅細菌， 亦可以回復平時嘅性行為。
關於「如果用套只係互相手交，唔錫，中既機率會有機大、用套互相打飛，互相攬住會唔會中梅毒」嘅部份，梅毒嘅傳播途徑主要係靠傷口直接接觸到皮膚或黏膜病灶嘅分泌物、體液及其他分泌物（如精液、血液、尿道球腺液- 男性喺性行為時因為性興奮而有機會分泌出透明黏稠狀嘅液體，當中都有存在精子)。如果性行為過程中冇傷口直接接觸嘅話呢度都唔使太擔心風險係低嘅，不過如果好擔憂嘅話都可以考慮之後無論係咩形式嘅性行為都配合返安全套有更加多嘅保障
其實從你嘅文字入面我都好感受到你嘅擔憂，如果之後再有問題嘅話都歡迎你隨時上嚟再問呀，糖不甩嘅大家都會喺度陪住你, 你不是自己一個的:)
姐係其實接觸汗水都有機會傳染？
性病主要係透過高風險體液（精液/腸液/尿道球腺炎/分泌物/陰道分泌/血液）傳播，而且要接觸到有破損嘅黏膜組織先會有較高風險。而汗水係由汗腺細胞代謝產生的含鹽體液，唔會因接觸而傳染性病。其他嘅體液（口水/淚水等）病毒含量亦非常低，除非一次過接觸吸取大量，否則幾乎無機會導致傳播。
（intern 同學 Tommy)
帶套埋得 你係gay？